Categories: Uncategorized

Maqedonia e Veriut para krizës politike, opozita paralajmëron bojkotin e zgjedhjeve

Në Maqedoninë e Veriut të shtunën në mesnatë ka përfunduar gjendja e jashtëzakonshme dhe pas kësaj kanë nisur të rrjedhin afatet për zgjedhjet, që me automatizën duhet të mbahen më 5 korrik.

Por, opozita maqedonase që drejtohet nga VMRO DPMNE ka bërë të ditur se do të bojkojë zgjedhjet për shkak të gjendjes së rëndë me pandeminë, respektivisht numrin e madh të të infektuarve me koronavirus.

Të lidhura

None found

VMRO dhe LSDM kanë dështuar në arritjen e marrëveshjes për datën e zgjedhjeve, pasi socialdemokratët që drejtohen nga Zoran Zaev insistojnë në zgjedhje të shpejta për të konspliduar institucionet meqë vendi tani pesë muaj është pa parlament ndërsa vendi drejtohet nga qeveria teknike e cila pas përfundimit të gjendjes së jashtëzakonshme nuk mund të sjellë asnjë vendim në përballje me pandeminë apo aspektet ekonomike.

Lideri i opozitës, Hristijan Mickovski, në një konferencë për mediat të dielën, tha se nuk pranon zgjedhje më 5 korrik apo edhe në 8 korrik, sic kishte propozuar Zaevi, por nga mesi këtij muaj pasi më parë të jenë siguruar kushtet për mbrotjen e shëndetit të votuesve në zgjedhje dhe pasi të ketë konfirmim se procesi i votimit do të monitorohet nga misioni i OSBE/ODIHR-së.

“Së pari duhet të sigurojmë protokolle adekuate për votime, le të arrijë misioni i OSBE-së dhe ditën e nesërme mund të shkojmë në zgjedhje. Sipas informatave të deritanishme, mesi i korrikut është një bazë e mirë të dalin në votime, të ju fitojmë dhe pastaj do të ketë përgjegjësi për të gjitha dështimet e qeverisë”, ka deklaruar kryetari i VMRO DPMNE-së, Hristijan Mickovski.

Ai ka thënë se pa plotësimin e këtyre kushteve çdo datë tjetër nuk do të pranohet nga opozita.

Por, kryetari i LSDM-së, Zoran Zaev ka thënë se zgjedhjet janë më se të domosdoshme dhe ato duhet të mbahen një orë e më parë.

“Frika nga humbja e zgjedhjeve nuk duhet të jetë arsye për asnjërën palë që të bojkotojë zgjedhjet ose të kërkojë shtyrjen e tyre, duke rrezikuar si njerëzit ashtu edhe shtetin…Janë përmbushur të gjitha kushtet ligjore dhe kushtetuese për mbajtjen e zgjedhjeve. KSHZ-ja, si organ ekzekutiv, ka detyrimin të zhvillojë zgjedhjet, të cilat me ligj dhe kushtetutë duhet të mbahen në 5 korrik. Mosrespektimi i ligjit i nënshtrohet përgjegjësisë”, ka shkruar Zoran Zaev në profilin e tij në Facebook.

Ndërkohë, edhe Bashkimi Demokratik për Integrim që është në koalicion me LSDM-në ka thënë se zgjedhjet duhet të mbahen sa më shpejt, por ka thënë se ato duhet të jenë gjithëpërfshirëse.

“Zgjedhje duhet të ketë. Shteti ka nevojë për stabilitet politik, veçanërisht në kushte kur po ballafaqohemi me vazhdim të pandemisë. Por, zgjedhjet e njëanshme thellojnë krizën politike, rrumbullakësim i qarkut vicioz, nga një krizë shëndetësore, në krizë socio-ekonomike, tani në një krizë politike, e cila pastaj shumë lehtë mund të transformohet në krizë institucionale, bile edhe në krizë të sigurisë”, ka deklaruar zëdhënësi i BDI-së, Bujar Osmani. (rel)

të fundit

56-year-old from Grad, Delchevo arrested, suspected of illegal hunting

Një 56-vjeçar nga fshati Grad i Dellçevës është privuar nga liria nën dyshimin për kryerjen e gjuetisë së paligjshme. Sipas…

5 minutes ago

Assembly rejects all Left party amendments to 2027 budget

Shumica parlamentare e udhëhequr nga OBRM-PDUKM ka refuzuar amendamentet e partisë E Majta për Propozim-buxhetin e vitit 2027. Propozimet përfshinin…

5 minutes ago

Ben-Meir: $600,000 in US lobbying must deliver concrete results

Rikthimi i Kosovës në lobimin profesional në Shtetet e Bashkuara të Amerikës, pas më shumë se dy vjetësh pa një…

6 minutes ago

Norway faces cyberattack, national identification system targeted

Sistemi kombëtar i identifikimit elektronik në Norvegji, ID-porten, është bërë objekt i një sulmi kibernetik të tipit DDoS. [...] Read…

7 minutes ago

Mirënjohje nga familja Krasniqi për solidaritetin e treguar

Deputeti i PDK-së, Altin Krasniqi ka reaguar për herë të parë pas vizitës së babait të tij, Jakup Krasniqit, duke…

7 minutes ago

Citizen protest in Tirana, march toward Elbasan Road with calls for Rama’s resignation

Prej orës 14:00 vijon protesta qytetare kundër qeverisë. Pas qëndrimit për disa orë para Ministrisë së Arsimit, protestuesit kanë zhvendosur…

7 minutes ago