IMT jep lajmin e mirë: Kemi mjaftueshëm rezerva gjaku

Instituti i Mjekësisë së Transfuzionit në Shkup ka deklaruar se ka sasi të mjaftueshme të gjakut.

Nga Instituti i Mjekësisë së Transfuzionit informojnë se së bashku me Kryqin e Kuq kanë përgatitur strategji, plan dhe orar të sesioneve të dhurimit të gjakut për javën e ardhshme, që do të publikohet në 22 Mars 2020, dhe natyrisht nëse është e nevojshme do të ndryshohet në baza të anketës epidemiologjike si një mbrojtje parandaluese për përhapjen e KOVID-19.

“I lusim të gjithë dhuruesit e gjakut t’i ndjekin rekomandimet dhe të mos dhurojnë gjak nëse kanë udhëtuar jashtë vendit në 28 ditët e fundit, nëse kanë simptoma të ftohjes, kollitjes dhe teshtitjes, kanë temperaturë të lartë trupore, ndjehen të lodhur dhe kanë vështirësi në frymëmarrje.

Nuk duhet të dhurohet gjak nëse keni qenë në kontakt me dikë që ka udhëtuar ose me një person me të gjitha këto simptoma.”