Categories: Uncategorized

BDI koalicion me LSDM? Vijnë shenjat e para

Nga BDI vijnë zërat e parë për kompromis me LSDM-së e Zoran Zaevit.

Vetë kandidati i integristëve për Kryeministër, Naser Ziberi në një prononcim për gazetën “Sllobodan Peçat” thotë se lideri i BDI-së Ali Ahmeti nuk i ka mbyllur të gjitha dyert por se tani për tani ai mbetet kandidati për të parin e qeverisë, informon INA.

Të lidhura

None found

“Ahmeti nuk i ka mbyllur të gjitha dyert, por tani për tani mbetet në pozitën që unë të jem mandatar. Kuptohet nuk përjashtohen të gjitha opsionet, në fakt produkti i krijimit të shumicës parlamentare është rezultat i bisedimeve, megjithatë argumentet e tij shkojnë në atë drejtim që unë të jem mandatar, për arsye që presidenti i shtetit është maqedonas, kryetari i Kuvendit do të ishte maqedonas, shumë bartës të funksioneve publike janë maqedonas. Ahmeti vlerëson se duhet që të rrëzohen barrierat e fundit etnike, a ajo do t’i përforcojë kapacitetet e brendshme dhe shteti do të tregojë se çdo funksion është i qasshëm në mënyrë të barabartë për të gjithë”, theksoi Ziberi për Slloboden Peçat.

Ai shtoi se për ata nuk është më e rëndësishmja që BDI të jetë pjesë e koalicionit të ardhshëm, por të valorizohen përcaktimet politike për atë se cili është aspirata jonë.

“Ka një marrëveshje xhentile mes partive Aleanca/Alternativa, BDI-së dhe partive të tjera që ai që do të fitojë së paku 1 votë më shumë, dhe jo mandat, do të pajtohet me faktin se i ka humbur zgjedhjet dhe se nuk do të pret në radhë te mandatari apo partia që të formojë qeveri. Në atë plan partitë politike shqiptare kanë një konsensus. A do të mbeten në atë, nuk mund të garantoj, por, gjithsesi, janë të vetëdijshme për reperkusionet dhe perspektivën politike të cilën mund ta kenë nëse pa legjitimitet bëhen bartës të pushtetit ekzekutiv, ndërkaq BDI-në e dërgojnë në opozitë”, sqaroi Ziberi.

Sipas tij, mundësia e marrjes së deputetëve prej në të majtë e të djathtë, do të ishte shërbimi më i keq që mund t’i ndodhte shtetit.

“Duhet që të respektohet vullneti i qytetarëve dhe as Zaev, dhe as Mickoski, as Ahmeti nuk kanë të drejtë që të tregtojnë. Zaev dhe Mickoski nuk kanë të drejtë që të kërkojnë deputetë më shumë për formimin e Qeverisë. Duhet që të respektohet edhe parimi fituesi me fituesin”, përfundoi Ziberi për gazetën Sllobodan Peçat, përcjell INA.

të fundit

Norvegjia përballet me sulm kibernetik, në shënjestër sistemi kombëtar i identifikimit

Sistemi kombëtar i identifikimit elektronik në Norvegji, ID-porten, është bërë objekt i një sulmi kibernetik të tipit DDoS. [...]Read More...

2 minutes ago

Analiza e ecurisë së Kosovës në Ligën e Kombeve: sukseset dhe pengesat e Dardanëve në podcastin “Arena e Yjeve

Në episodin e radhës të podcastit “Arena e Yjeve”, gazetarët e Telegrafit, Lavdim Pireva, Shkumbin Pireva dhe Bardh Maxhuni, diskutojnë…

13 minutes ago

Ben-Meir: 600 mijë dollarët e lobimit në SHBA duhet të sjellin rezultate konkrete

Rikthimi i Kosovës në lobimin profesional në Shtetet e Bashkuara të Amerikës, pas më shumë se dy vjetësh pa një…

14 minutes ago

Indrit Tuci i jep fitoren Olimpija Ljubjanës ndaj Kalcer Radomijes në kampionatin slloven

Olimpija Ljubjana ka marrë fitoren përballë Kalcer Radomije [...]Read More...

21 minutes ago

Ministrja Pacolli njofton ndërhyrje në Badovc e Batllavë, teksa vazhdojnë rrënimet në Ujman

Rrënimi i ndërtimeve pa leje pranë liqenit të Ujmanit po vazhdon, ndërsa Ministria e Mjedisit dhe Planifikimit Hapësinor paralajmëron ndërhyrje…

22 minutes ago

Protesta qytetare në Tiranë, marshim drejt Rrugës së Elbasanit me thirrje për dorëheqjen e Ramës

Prej orës 14:00 vijon protesta qytetare kundër qeverisë. Pas qëndrimit për disa orë para Ministrisë së Arsimit, protestuesit kanë zhvendosur…

22 minutes ago