Categories: Uncategorized

155 vjet nga krijimi i sallatës ruse, si u shpik receta?

Viti 2018 shënon 155 vjetorin e krijimit të recetës popullore të Olivierit, e cilësuar dhe e njohur në të gjithë botën si “sallata ruse”.

Të kesh këtë gatim të shijshëm dhe të përzemërt në darkën e Vitit të Ri është një simbol dhe traditë e vjetër ruse.

Të lidhura

None found

Ndoshta asnjë prej festave ruse nuk mund të kalojë pa këtë recetë kombëtare, pavarësisht nga fakti që kjo sallatë u përhap në mbarë vendin pas viteve 1960 -1970.

Në kontrast me mendimin e përhapur masivisht sallata moderne Ruse (e quajtur “Olivier” në Rusi) ka pak të përbashkët me recetën origjinale të kësaj pjate të shpikur nga kuzhinieri rus me origjinë franceze dhe belge, Lucien Olivier.

Kjo është historia e Sallatës së famshme Ruse:

Kjo sallatë u shpik në vitet 1860 nga Lucien Olivier (1838-1883), një kuzhinier moskovit i cili ishte pronar i restorantit “Hermitation” në Sheshin Trubnaya.

Ndërtesa e restorantit është ruajtur ende sot. E vendosur në adresën 14, Bulevardi Petrovsky, ajo aktualisht është kthyer në një shtëpi botuese dhe një teatër.

Fillimisht, francezi nuk shpiku një sallatë, por një pjatë të quajtur “Majonezë nga Shpendët”. Për këtë recetë të shijshme, fileto shpendësh të egër ziheshin dhe më pas vendoseshin në një pjatë të shoqëruar me kube pelte të përftuara nga lëngu i tyre.

Kjo pjatë shoqërohej në anësore edhe me gaforre dhe gjuhë viçi të aromatizuara me salcë Provencal (Tradicionale).

Qendra e pjatës ishte zbukuruar me patate të pjekura dhe kastraveca turshi të gjitha të zbukuruara me feta vezësh të ziera. Sipas kuzhinierit, “pjesa” qendrore nuk ishte e destinuar për ushqim, por thjesht për qëllim estetik, si një element dekorimi, shkruan Scan.

Sidoqoftë, shumë shpejt Lucien Olivier pa që kjo vepër gastronomike e dekoruar në mënyrë të ndërlikuar përfundoi shumë shpejt tek shumica e njerëzve e përzierë në një miks shijesh.

Kuzhinieri francez edhe pse e pa fillimisht me dyshim, u dorëzua dhe filloi duke i përzierë të gjithë përbërësit së bashku dhe më pas shtoi me shumë majonezë. Kjo recetë pati një sukses masiv!

Recetë origjinale e sallatës ruse “Olivier” në kontekstin modern:

fileto shpendësh të egër të ziera,

një gjuhë viçi të zier,

100 gram havjar të zi,

200 gram marule të freskëta,

gaforre e zier ose e konservuar,

gjysmë kavanozi kastravec turshi,

salcë soje,

dy tranguj të freskët,

100 gram kaperi,

5 vezë të mëdha të ziera, të prera hollë.

Salcë për sallatë: Majonezë e bërë në shtëpi nga 400 gram vaj ulliri të rafinuar, 3-4 të verdha vezësh, pak uthull dhe mustardë, sheqer dhe kripë për shije.

Sallata e Olivierit Sovjetik

Pas Revolucionit të Tetorit të vitit 1917 dhe Luftës Civile me Urinë dhe shkatërrimin e mëvonshëm, kuzhina ruse u bë histori antike në Rusinë Sovjetike. Sidoqoftë, një recetë e thjeshtuar e Sallatës së Olivierit u krijua midis emigrantëve të varfër rusë që kishin ikur jashtë vendit pas Revolucionit të vitit 1917. Kjo Sallatë e thjeshtë “emigrante” ruse u kthye në BRSS nga Franca pas Luftës së Dytë Botërore në rrjedhën e zgjerimit të kontakteve diplomatike me Europën.

të fundit

Deponia në Sferkë të Pejës përfshihet sërish nga flakët, Bajrami publikon pamje dhe pyet: Ku është shteti?

Deputetja e Lidhjes Demokratike të Kosovës, Hykmete Bajrami, përmes një postimi në Facebook, ka thënë se në Sferkë të Pejës,…

35 seconds ago

Kurti hosts GERMIN representatives, focus on cooperation with the diaspora

Kryeministri i Kosovës, Albin Kurti, ka pritur në takim përfaqësuesit e organizatës joqeveritare GERMIN, me të cilët ka diskutuar për…

8 minutes ago

Dugolli on Krasniqi’s visit in Pristina: It is not justice, but painful injustice

Zëvendësministri i parë në Ministrinë e Punëve të Brendshme, Enver Dugolli, ka reaguar pas vizitës familjare të Jakup Krasniqit në…

8 minutes ago

Jair Bolsonaro admitted to intensive care after acute intestinal blockage while under house arrest

Ish-presidenti i Brazilit, Jair Bolsonaro, është shtruar në repartin e kujdesit intensiv në një spital në Brasilia, pasi ka zhvilluar…

8 minutes ago

Shkumbin Pireva tregon arsyet pse Kosova mbeti pa vazon e dytë: Mungesa e lojtarëve dhe angazhimi i ulët

Në episodin e radhës të podcastit “Arena e Yjeve”, gazetarët e Telegrafit, Lavdim Pireva, Shkumbin Pireva dhe Bardh Maxhuni, diskutojnë…

19 minutes ago

Romano shpjegon kushtet që duhen plotësuar për transferimin e përhershëm të Araujos te Liverpooli

Ronald Araujo nuk e ka përjashtuar mundësinë e rikthimit te Barcelona, pavarësisht se është përshtatur mirë te Liverpooli, ku po…

20 minutes ago