Një pjesë e ish-stafit të markës luksoze Hermès ka dalë në gjyq, pasi akuzohet për shitje të çantave joorigjinale, përfshirë edhe të famshmen “Birkin”.
10 persona u paraqitën në gjyq, 7 prej të cilëve ish-punonjës të kompanisë që akuzohen se kanë kryer shumë shitje çantash joorigjinale për qindra mijëra euro.
None found
Hetuesit ranë në gjurmët e rrjetit të falsifikimit pasi bastisën banesën e një burri të dyshuar për shitje të çantave të vjedhura në Francë te klientët në Azi. Gjatë këtij hetimi, policia dëgjoi bisedat që zbulonin ekzistencën e një “atelieje të fshehtë” që bënte çanta false.
Të akuzuarit, që u përkasin moshave nga 30 deri në 61, supozohet të kenë prodhuar çanta joorigjinale nga viti 2013-2014 dhe e shisnin secilën për 23,500-32,000 dollarë.
Prokurorët thanë në gjykatë se 3 miq nisën prodhimin e çantave joorigjinale, dy punonin te Hermès, ndërsa i treti merrej me importimin e lëkurës së krokodilit nga Lombardia, ku prodhoheshin kopjet. Pesë ish-punonjës të tjerë të kompanisë janë në gjyq, njëri siguronte bizhutë për dekorimin e çantave dhe katër të tjerët ishin punëtorë të specializuar të lëkurës, të cilët i vendosinin çantat bashkë, duke u inkorporuar edhe logon e kompanisë, të qepur me dorë.
Gjyqi do të vazhdojë deri të premten.
Birkin është një gamë çantash ekskluzive prej lëkure, të bëra me dorë, të cilat u prezantuan në vitet 1980 dhe u bënë kryefjala e një elegance luksoze, duke nxitur listat e pritjes për t’i blerë, që ekzistojnë edhe sot. Në maj të 2017-ës një çantë Birkin u shit në ankand në Hong Kong për një shifër rekord prej 380,000 dollarësh.
Çanta u emërua sipas këngëtares dhe aktores Jane Birkin, pasi ish-shefi ekzekutiv i Hermès-it, Jean-Louis Dumas u ul pranë saj në një fluturim nga Parisi për në Londër. Gjatë udhëtimit ajo u ankua për vështirësinë që kishte për të gjetur një çantë të mirë lëkure për udhëtimet e fundjavës. Dumas i udhëzoi punëtorët e tij që të bënin një çantë me xhepa për të dhe kështu lindi Birkin.
Deputeti i partisë serbe “Sloboda, Pravda, Opstanak”, Lazar Radulloviq, ka akuzuar Listën Serbe për përpjekje për ta penguar kandidaturën e…
Departamenti për Kontroll të Brendshëm, Hetime Kriminalistike dhe Standarde Profesionale në kuadër të Ministrisë së Punëve të Brendshme (MPB) ka…
Lisandro Martinez ka shpjeguar arsyen pse kritikoi drejtorin sportiv të Manchester Unitedit, Jason Wilcox, pas humbjes 2-0 ndaj Atletico Madridit…
Deputeti i Partisë Demokratike të Kosovës, Eman Rrahmani në mbledhjen e Komisionit për të Drejtat dhe Interesat e Komuniteteve dhe…
Ka nisur seanca e Kuvendit të Kosovës, ku pritet të trajtohen një sërë çështjesh. Në rend të ditës, përveç të…
Presidentja e Republikës së Kosovës, Justina Shiroka-Pula, ka mbajtur sot takimin e parë koordinues me krerët e institucioneve të vendit,…