Prindër kujdes! 5 lloje fotografish të fëmijëve që nuk duhen postuar në mediat sociale

Epoka e mediave sociale na ka dhënë shumë fenomene të reja, dhe njëra prej tyre njihet si “ndarja”.

Ndarja është një praktikë kur prindërit duket se përdorin tepër mediat sociale ku njohin me foto dhe azhurnimet e fëmijës së tyre, pjesën tjetër të botës.

Prindërit mund të kenë qëllime të mira ndërsa e bëjnë këtë, po postimi i disa imazheve të fëmijëve të tyre mund t’i vërë ata në rrezik.

Ja postimet që duhen shmangur:

Fotografi të lidhura me shkollën që mund të japin sugjerime se ku studion fëmija juaj

Fotografitë në shkollë mund të duken të pafajshme, por nuk janë. Fotografitë që tregojnë fëmijën tuaj të veshur me uniformën e shkollës potencialisht mund të tërheqin persona të rrezikshëm të cilët mund të identifikojnë shkollën që fëmija juaj po ndjek thjesht duke parë foton.

Fotografitë me etiketat e emrave

Fotografitë që tregojnë fëmijën tuaj me një etiketë emri është një lloj tjetër fotografie që mund të zbulojë identitetin e tij. Nëse akoma dëshironi të postoni një fotografi të tillë, sigurohuni që ta keni mjegulluar emrin në etiketë.

Fotografitë me të dhëna dhe etiketime gjeografike

Nëse ju pëlqen të jepni azhurnime të shpeshta në lidhje me jetën tuaj familjare në mediat sociale, është më mirë të siguroheni që platformat që përdorni për postimin e fotove nuk zbulojnë të dhënat e fotove tuaja.

Fotografitë që tregojnë trupin e zbuluar të fëmijës tuaj

Pasi të ngarkojmë një fotografi në internet, nuk do ta kontrollojmë më plotësisht dhe nuk e dimë kush mund ta shohë, kopjojë ose ndajë këtë fotografi. Postimi i fotografive që tregojnë trupin e zhveshur ose pjesërisht të mbuluar të fëmijës suaj mund të tërheqë njerëz të rrezikshëm në internet.

Fotografitë që tregojnë hidhërime ose sjellje të keqe

Një lloj tjetër fotografie që mund ta bëjë fëmijën tuaj të ndihet në siklet dhe i irrituar kur e sheh atë në internet janë fotot që tregojnë sjelljen e tyre të keqe ose momente të tjera të dobësisë. Edhe nëse arsyeja për shqetësimin e fëmijës tuaj duket qesharake, mos harroni se për fëmijën tuaj, mund të jetë një tragjedi e vërtetë për momentin dhe me ndjenjat e tij nuk duhet të qeshet.