Finlanda i ka njerëzit më të lumtur në botë, këto janë arsyet

Në listën e vendeve më të lumtura të botës, të paktën deri në 2019-ën, kryeson Finlanda.

Në atë vend ku mbizotëron patriotizmi, 99% e njerëzve shkojnë në sauna të paktën 1 herë në javë dhe rrugëve të qyteteve të vogla, mund të shihni drerë që shëtisin.

Por ç’bëjnë njerëzit atje? Ç’ndodh në vendin më të lumtur të botës?

1. Finlandezët kalojnë shumë kohë jashtë. Rreth 70% e territorit të tyre është e mbuluar nga pyjet. Prandaj, njerëzit ndihen komod dhe të mbrojtur kur janë të rrethuar nga një natyrë si kjo. Ata, pjesën më të madhe të kohës e kalojnë duke bërë xhiro me biçikleta ose hiking.

2. Uji i pijshëm është falas! Finlanda shpesh quhet si toka e një mijë liqeneve. Uji i tyre është kaq i pastër sa mund ta pish që aty, pasi nuk kërkon ndonjë proces filtrimi. Thuajse çdo restorant ofron një kanë me ujë falas, edhe nëse ti harron të porosisësh kamerierin.

3. Aty bëhet pica më e mirë në botë! 3 vite më parë, Finlanda u shpall si vendi me picën më të mirë në botë, duke lënë pas Italinë dhe famën e saj për picat magjike!

4. Vendi është një prej liderave në riciklim mbeturinash

5. Zhvillohen konkurse të ndryshme sportesh të çuditshme Sportet janë pjesë e pandarë e jetës së finlandezëve. Përpos sporteve që i dimë të gjithë, ata zhvillojnë disa gara të veçanta si përshembull; hedhje celularësh, gjueti mushkonjash, gara vrapi me gruan mbi shpinë e shumë të tjera

6. Ishte vendi i parë që i dha çdo qytetari të drejtën për t’u aksesuar në internet.

7. Atje baballarët kalojnë më shumë kohë me fëmijët sesa nënat. Në Finlandë, rolin kryesor në rritjen dhe kujdesin ndaj fëmijëve e kanë baballarët.

8. Aty ndodhet edhe qyteza e Babagjyshit të Krishtlindjeve Një fshat i vogël në rajonin e Lapland të Finlandës i quajtur Joulupukki, thuhet se është vendlindja e babagjyshit. Përgjatë vitit, njerëzit mund të vijnë të vizitojnë Santa Claus-in finlandez, i cili ka dhe një pasaportë të vërtetë. Në datën e tij të lindjes thuhet “shumë kohë përpara” ndërsa statusin e ka “i martuar” me “Zonjën e vjetër të Krishtlindjeve”,që quhet Joulupukki.

9.Arsimi është falas Edukimi në Finlandë kërkon një njohje të mirë të anglishtes dhe gjuhëve vendase. Si në shkolla ashtu edhe në universitete, arsimi është falas për qytetarët europianë. Edukimi në këtë vend konsiderohet si një prej më të mirëve në të gjithë botën.