Vetëm 1 pacient në terapi intensive, Shqipëria drejt fitores së betejës me koronavirusin

Ministria e Shëndetësisë konfirmoi sot 4 raste të reja me koronavirus, teksa theksoi se 78% e të prekurve janë shëruar.

Që nga fillimi epidemisë, sot shënohet dita me pozitivitetin më të ulët në vend, ndaj totalit të testimeve ditore, me vetëm 1.64 %.

682 qytetarë janë shëruar, ose rreth 78% e të gjithë të prekurve.
Në të gjithë vendin aktualisht janë 163 persona aktivë me COVID19, kryesisht ne Tiranë, Krujë, Shkodër, Kamëz.
Situata në spitale paraqitet e qëndrueshme prej ditësh.

Aktualisht në dy spitalet COVID janë të shtruar 24 pacientë dhe vetëm 1 prej tyre është në terapi intensive. Me pak se 15% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes, thuhet nga ministria.

Nga fillimi i epidemisë, deri tani, në vendin tonë janë kryer 11332 testime, nga të cilat, 10802 janë testime molekulare dhe 530 janë testime serologjike.