U kap me armë, ndjekësit “demaskojnë” Fjolla Morinën (FOTO LAJM)

Ditën e djeshme policia kufitare në Morinë arrestoi këngëtaren e njohur Fjolla Morina, pasi gjatë kontrollit iu zbuluan dy armë zjarri tip ‘Zoraki’ me 23 fishekë, teksa po tentonte që të futej në Shqipëri me një makinë tip ‘Audi’. Ndjekësit e këngëtares Fjolla Morina kanë shpërthyer në komente kritikuese ndaj veprimit të fundit të saj që e çoi pas hekurave të burgut.

Ngjarja e bujshme i ka bërë ndjekësit e saj të shpërthejnë në kritika, duke i thënë Fjollës se nuk kalohet në Shqipëri me pistoletë: “Nuk kalohet në Shqipëri me pistoletë”, i shkruan një ndjekës.

‘Ishalla po t’i japin do vite te mira aty brenda e s’po korruptohen me lek. Këtu zë vend ajo shprehja “qysh e lypsh e gjetsh”. Sikur të kishin me u kap krejt tipat si puna jote do kishit shpetu shumë njerëz të tjerë që janë normal”, vijon komenti tjetër.Ka dhe nga ata të cilët kërkojnë që këngëtarja të lirohet pasi është e pafajshme dhe nuk e ka përdorur armën që ka pasur me vete:

“I lumtë që kishte pistoletë, nuk ka vrarë. Policia të kapi ato që mbajnë pistoletë dhe bëjnë vrasje. Kjo është gocë bobe i lumtë veç krime nuk ka bërë”, shkruan një tjetër.