Pas deklaratave mohuese, Irani pranon se goditi me raketë avionin ukrainas

Irani ka pranuar se e ka qëlluar me raketë avionin ukrainas ku humbën jetën 176 viktima, por ka theksuar se ka qenë një gabim.

Shteti i fuqishëm i Lindjes së Mesme, ka pranuar se ushtria e tij “pa dashje” goditi avionin ukraninas te pasagjerëve, ku mbetet te vrare të gjithë 176 personat në bord, raporton TV shtetëror i Iranit.

BBC, duke iu referuar kesaj deklarate shkruan se shkak per kete ngjarje ishte bërë “gabimi njerëzor” pasi aeroplani fluturoi afër një zone të ndjeshme që i përkiste Rojeve Revolucionare të Iranit.

Duke u marre gabimisht per nje “objektiv armiqësor”, avioni u godit nga një raketë, thuhet në deklaratë. Ata që janë përgjegjës do të përgjigjen, shtohet me tej.

Irani më parë kishte refuzuar sugjerimet se një prej raketave të tij rrëzoi aeroplanin pranë kryeqytetit, Teheranin, të Mërkurën.

Por presioni i ngritur pasi SH.B.A. dhe Kanada, duke cituar inteligjencën, thanë që ata besonin se Irani kishte qëlluar aeroplanin me një raketë, ndoshta aksidentalisht.