Anëtarja e Këshillit të FIFA-s, Evelina Christillin, ka lënë të kuptohet se plani është të shtyhen ndeshjet e Ligës së Kampionëve dhe Ligës së Evropës deri atëherë kur të kompletohen ligat nacionale evropiane.
Ka një muaj që thuajse i gjithë sporti në Evropë është pezulluar për shkak të pandemisë së koronavirusit. Nuk është e qartë se kur do të vazhdojë edicioni 20192020.
None found
Është raportuar që garat nacionale do të kompletohen së pari e më pas Liga e Kampionëve dhe Liga e Evropës. Me shumë mundësi do të luhet vetëm nga një ndeshje mes skuadrave, në terren neutral.
“Shëndeti dhe siguria vijnë në rend të parë”, ka thënë italiania Christillin për Radio Punto Nuovo.
“Pesë ligat e mëdha evropiane duan të përfundojnë kampanjën e tyre, por askush nuk planifikon të mos iu përmbahet qëndrimeve të qeverive dhe autoriteteve lokale”.
Disa klube në Itali kanë tentuar të vazhdojnë stërvitjet, por janë bllokuar nga dekretet qeveritare. Të paktën deri më 4 maj në Itali nuk do të vazhdojnë stërvitjet. Në Gjermani skuadrat kanë vazhduar me stërvitje javën e kaluar, por në grupe fare të vogla.
“Varet nga qeveria e secilit vend. Teorikisht është e mundur të vazhdohet me stërvitje kur të kalon koha e paraparë me dekrete, por nuk e di nëse do të jetë e mundshme që stërvitjet të vazhdojnë në gjithë Evropën në të njëjtën kohë. Do të ketë një video-konferencë më 22 prill me përfaqësuesit e 55 vendeve anëtare të UEFA-s dhe një ditë më pas do të takohet Komiteti Ekzekutiv. Do të informohemi për atë që do të diskutohet me vendet anëtare”, ka thënë Christillin.
Ka ide që Serie A të vazhdoj më 31 maj dhe të luhen ndeshje çdo tri ditë deri më 12 korrik. Më pas Liga e Kampionëve dhe Liga e Evropës do të mund të kompletoheshin deri në mes të gushtit.
“Është një plan, por prioritet është shëndeti. Më pas duhet të vazhdojnë edicioni dhe në fund të kompletojmë garat evropiane në gusht. Ka shumë vështirësi organizative, por presidenti Gianni Infantino ka konfirmuar se do të ketë ndihmë për klubet me probleme ekonomike”.
David AtanaskoskiDavid Atanaskoski ishte “katalizatori” që i dha fund “thatësirës” te Partizani, ku goli “magjik” i lojtarit defensiv i dha…
Gazetari Artan Hoxha ka komentuar në emisionin Prime News24 takimin e ministrit të Drejtësisë, Toni Gogu, me Erion Veliajn në…
Presidenti ukrainas, Volodymyr Zelensky, ka paralajmëruar për një sulm të ri masiv rus ndaj Ukrainës, duke pretenduar se Moska mund…
Deputeti i PD-së, Klevis Balliu, përmes një statusi publik ka reaguar lidhur me letrën e Erion Veliajt nga burgu, duke…
Anëtari i Kryesisë së Aleancës, Durim Halilaj, ka kritikuar Qeverinë për atë që e ka cilësuar si mashtrim me shifra…
Derisa, institucionet e vendit kanë vazhduar të nxjerrin detaje të reja për rastin tragjik në Dermiaj të Gjilanit, familjarët kanë…