Nehat Kulla u nda nga jeta, i vëllai e infektoi me COVID-19

Ditën e sotme u bë i ditur lajmi për ndarjen nga jeta të Nehat Kullës i njohur ndryshe edhe si “Gjenerali” në kohën e trazirave të ’97-ës.

Ama mësohet se Kulla ka qënë po ashtu i infektuar me koronavirus ndërsa kujtojmë se disa javë më herët prej pandemisë ndërroi jetë vëllai i tij, Ramazan Kulla.

Burime bëjnë me dije se Kulla ishte pozitiv me COVID-19, infeksion të cilin e ka marrë nga vëllai i tij shkruan joq.

Ai u dërgua në Sanatorium në gjendje të rënduar dhe vështirësi në frymëmarrje.

Iu mor tamponi, por refuzoi që të shtrohej, edhe pse kishte pneumoni bilaterale intersticiale.

Mësohet se ceremonia mortore do të zhvillohet ditën e sotme në orën 18:00. Nisur nga fakti që Kulla ishte pozitiv në COVID-19, varrimi i tij duhet të zhvillohet në protokolle sigurie të forta, ku ndalohet pjesëmarrja e shumë personave.