Drejtoria e Pergjithshme per Konkurrencen dhe Çështjet e Konsumatorit në Francë (Autoriteti i Konkurrencës i Francës) gjobiti me 25 milion euro gjigantin Apple pasi zbuloi se ngadalesonte me qellim modelet e vjetra të celularëve që të nxiste shitjet e modeleve më të reja.
Siç raporton BBC, gjithçka nisi pas ankesave të përdoruesve të cilët pretenduan se celularët e tyre u ngadalësuan pas instalimit softuerëve të rinj iOS 0.2.1 dhe 11.2.
None found
Pasi Autoriteti i Konkurrencës në Francë nisi hetimet, zbuloi se pretendimi i përdoruesve ishte i drejtë.
Nga verifikimet u konstatua se problemet kryesore shfaqeshin tek modelet “iPhone 6”, “iPhone 6s” dhe “SE”. Këta celularë ngadalësoheshin ose bllokoheshin pasi instalonin softuerin e ri të Apple.
Apple ndërkohë tha se vërtetë instalimi i softuerit ngadalësonte celularët, por këtë e bënin për të rritur jetëgjatësinë e këtyre modeleve dhe jo për të nxitur shitjen e modeleve të reja.
Pavarësisht kësaj, Autoriteti i Konkurrencës në Francë i këput një goxha gjobë Apple pasi kishte vepruar pa vënë më parë në dijeni përdoruesit për pasojat negative që do të sillte instalimi i këtij softueri.
Krahas gjobës, Autoriteti i Konkurrencës (ai francezi dmth) e detyron kompaninë që të vendosë në faqen zyrtare për Francën shënimin: Kemi kryer një kryer një krim tregtar përmes mosveprimit.
Ky mesazh në faqen zyrtare të Apple në France është ndoshta shuplaka më e madhe për kompaninë se sa gjoba.
Tani të kthehemi tek Autoriteti i Konkurrencës në Shqipëri.
Ka më shumë se 10 ditë që kompanitë celulare kanë shtrenjtuar me 200 lekë paketat standarde të komunikimit dhe nuk ka asnjë zë.
Autoriteti i Konkurrencës nuk e ka vënë fare ujin në zjarr edhe pse rritja e çmimit të paketave standarde të komunikimit është bërë në të njëjtën kohë dhe shtrenjtimi është në të njëjtën masë, pra 200 lekë.
Çdo autoritet në botë, edhe në shtetin më të lodhur do kishte reaguar duke thënë: Po marrim rastin në shqyrtim! Këta tanët nuk kanë guximin të thonë as këtë.
Autoriteti i Konkurrencës komunikon me mediat vetëm në rastin e një biznesi. Madje, edhe grupin për gazetarët në Whats App e ngriti për të dërguar deklaratat vetëm për këtë biznes.
Çfare turpi! /E.Senja
Prokuroria e Tiranës, ka marrë në pyetje pesë të mitur, të cilët nga këqyrja e kamerave të sigurisë shfaqen duke…
Klubi i Bërnlit, ka mësuar këtë mesjavë fatin e tij pasi me humbjen përballë Mançester Sitit, ka rënë matematikisht nga…
Të tjera detaje janë zbardhur në lidhje me ngjarjen e ndodhur në Pazarin e Vjetër në Korçë, ku një konflikt…
Një sherr ka ndodhur në Pazarin e Vjetër të Korçës, ku një konflikt mes disa personave ka përfunduar me përdorimin…
Shpenzimet kapitale nga buxheti i shtetit, ishin vetëm 5,2 miliardë lekë, rreth 53 milionë euro në tremujorin e parë të…
Një publikim i fundit i Eurostat, “Digjitalizimi në Europë”, që jep të dhëna mbi aftësitë bazë digjitale të shteteve të…