”Ethet e papagallit”, një tjetër virus po kërcënon botën

Mjekët kanë ngritur alarmin pasi tre persona u testuan pozitivë ndaj një infeksioni bakerial potencialisht vdekjeprurës të përhapur nga zogjtë e egër, shkruan Daily Mail.

Infeksioni bakterial njihet me emrin “Ethet e papagallit”

Mjekët kanë paralajmëruar banorët e Blue Mountains dhe Lithgow në Uellsin e Ri Jugor që të shmangin kontaktin me zogjtë e egër pas infeksioneve në rajon që nga fillimi i prillit.

Infeksioni merret nga ekspozimi ndaj zogjve të infektuar dhe simptomat e tyre mund të shkojnë nga një sëmundje e butë si gripi deri tek pneumonia e rëndë, raporton abcnews.al.

New South Wales Health tha se sëmundja ishte zbuluar në zogjtë e egër në të dy malet e sipërme Blu dhe Lithgow.

Simptomat tek njerëzit mund të zgjasin nga 2 deri në 28 ditë pas ekspozimit të infeksionit.

Drejtori i shëndetit publik i Blue Mountains dhe Drejtori i Shëndetit Publik Dr Bradley Forssman deklaruan që banorët duhet të kenë kujdes të veçantë kur merren me punët e kopshtarisë apo kur shëtisin në lëndinë.

Pajisjet mbrojtëse si maskat dhe dorezat duhet të përdorën patjetër kur kontakti është i pashmangshëm, tha Dr Forssman.

“Ekspozimi ndaj zogjve, ose pluhuri që përmban mbetje të shpendëve, mund të rezultojë në infeksion,” tha ai.

‘Kontakti i drejtpërdrejtë me zogjtë e egër, përfshirë trajtimin dhe ushqimin, duhet të shmanget aty ku është e mundur.’

Veterinari Stacey Gelis këshilloi pronarët e shpendëve të mos puthin zogjtë e tyre të përkëdhelur dhe të pastrojnë kafazet e tyre duke përdorur dezinfektues, raporton abcnews.al.

“Nëse vini re se ka zogj të egër të sëmurë, vishni patjetër doreza ose përdorni një peshqir dhe dërgojini menjëherë në një klinikë veterinare, kështu do të ulni rrezikun e infeksionit”.

Çfarë janë ethet e papagallit?

Zogjtë e sëmurë mund të tregojnë shenja të përgjumjes, dridhje, humbje peshe, vështirësi në frymëmarrje dhe diarre.

Psittacosis – e njohur si ethet e papagallit – është kryesisht një infeksion i shpendëve, por mund të shkaktojë pneumoni dhe probleme të tjera të rënda shëndetësore te njerëzit.

Infeksioni tek njerëzit ndodh zakonisht për shkak të ekspozimit ndaj zogjve të infektuar të përkëdhelur, të tillë si anëtarët e tjerë të familjes të papagajve dhe pëllumbave.

Por jo të gjithë zogjtë që janë infektuar do të tregojnë këto shenja.

Zogjtë gjithashtu mund të kenë një infeksion edhe pse ata shfaqen të shëndetshëm dhe nuk tregojnë simptoma fillestare por mund të shfaqin simptoma më vonë.

Tek njerëzit, shenjat dhe simptomat e infeksionit shfaqen brenda katër deri në 30 ditë pas ekspozimit, por zakonisht ndodhin pas 10 ditësh.

Simptomat përfshijnë, ethe, të dridhura, kollë, dobësi ose lodhje, dhimbje në muskuj dhe gjoks, humbje të oreksit, të vjella dhe diarre, dhimbje koke, djersitje dhe jotolerancë ndaj dritës.