E FUNDIT/ Kryetari i Kumanovës infektohet me Covid-19

Kryetari i Komunës së Kumanovës, Maksim Dimitrievski është konfirmuar pozitiv me koronavirus.

Lajmin e ka bërë të ditur vetë Dimitrievski përmes një postimi në rrjetin social Facebook ku thekson se bashkë me të janë konfirmuar edhe 40 qytetarë të tjerë nga Kumanova.

“Sapo mora rezultatet për personat e rinj pozitiv me Kovid-19 në Kumanovë, gjithsejtë 40 qytetarë të mi të dashur, mes të cilëve edhe unë personalisht”, shkruan Maksim Dimitrievski.

“Ju inkurajoj që bashke dhe të disiplinuar të vazhdojmë luftën kundër kësaj të keqeje të përbashkët, e di se do ta mposhtim, jam I bindur në këtë, ju lutem që të jemi të përmbajtur, nuk ka vend për panik, kërkoj nga ju disiplinë, respektim të masave dhe rekomandimeve për distance sociale. Ju lutem nga shpirti dhe zemra, Ju lutem respektoni masa, shmanguni kontakteve të afërta, shëndeti është mbi të gjitha, kështu do të fitojmë të gjithë”, ka shkruar më tej Dimitrievski.