Ardi Veliu kujtohet me vonesë: Shkodra, një njollë e zezë kontrabande!

Tashmë prej disa kohësh nga qyteti i bejteve dhe humorit, Shkodra është kthyer në një burim ngjarjesh të rënda.

Këtë ka “konstatuar” me shumë vonesë kreu i policisë së Shtetit, Ardi Veliu i cili ka theksuar se “Shkodra është një njollë e zezë sa i takon kontrabandës”.

Ky i fundit i shoqëruar nga Drejtori për Krimin e Organizuar Tonin Vocaj dhe Drejtori i Rendit Gjovalin Loka kanë zbarkuar ne Shkodër në analizën e Policisë së Shkodrës për 2019.

“Gjatë vitit 2018 kemi pasur 26 vepra penale sa i përket kontrabandës. Kemi pasur ulje te fenomenit ne 2019-en. Ka rënë kontrabanda apo është paaftësi e juaja? Shkodra është një njollë e zezë në vend sa i takon kontrabandës”- është shprehur Veliu.

Një nga temat e tjera të diskutuara ka qenë edhe fenomeni i “Fajdeve” në qytetin verior.

Stina e protestave dhe menaxhimi i zgjedhjeve vendore te 2019-es nuk kane kaluar pa u prekur nga Drejtori i Policisë së Shtetit Ardi Veliu: “Perveç Tiranës edhe ne Qarqe ka pasur protesta, me pas edhe menaxhimin e fushatës ku qe një fushatë e vështirë për përballimin nga policia se bashku me sezonin turistik ku ju falenderoj për punën e bërë”

Sipas Veliut lufta kundër krimit të organizuar është sfida për vitin 2020. Veliu ka kërkuar që të dokumentohet gjithçka sa i takon krimit, ndërsa ka shtuar se duhen të angazhohen të gjithë strukturat e policisë vendore në Shkodër. /albeu.com/