A po fsheh Kina numrin e të infektuarve, si po ndryshojnë shifrat

Kina vazhdon të mbajë shifrat e njëjta të vdekjeve si pasojë e koronavirusit të ri për të gjashtën ditë me radhë, tregojnë të dhënat zyrtare, raporton sot BBC.

Ky shtet ka raportuar për 10 raste të reja të të infektuarve të martën, për dallim nga 30 në ditën paraprake.

Numri i rasteve të importuara – udhëtarë që kthehen nga vendet tjera – ka rënë në gjashtë, ndryshe nga 23, qe ishin një ditë më parë.

Kina regjistron numrin e pacientëve pa simptoma në një tjetër listë, ndonëse numri edhe aty ka rënë në 27 nga 42 një ditë më parë.

Të dhënat e Kinës rreth këtij virusi konsiderohen të vështira për t’u verifikuar prandaj janë ngritur supozime se Pekini është duke tentuar të mbajë numërin e ulët ashtu që të tregojë se e ka virusin nën kontroll.

Për koronavirusin e ri është raportuar filimisht në Vuhan të Kinës në fund të vitit të kaluar.

Si pasojë e këtij virusi deri më tani në gjithë botën janë infektuar mbi 2.6 milionë persona derisa mbi 180,000 kanë vdekur.