Kreu i Partisë Demokratike të Kosovës, Kadri Veseli ka deklaruar se LDK e LVV kanë dëmtuar Kosovën në momentin më kulmor të përhapjes së pandemisë në vend.
Sipas tij Kosova nuk ka pasur nevojë për këto veprime në këta kohë.
None found
Kështu ka deklaruar Veseli, derisa është pyetur për zhvillimet e fundit në vend, dhe veprimet e LDK-së për mundësinë e formimit të koalicionit me AAK-në, Nismën dhe AKR-në.
“Lidhja Demokratike e Kosovës dhe Lëvizja Vetëvendosje e kanë dëmtuar Kosovën, në momentin më kulmor të pandemisë. Nuk kemi pasur nevojë për këtë shtyrje të tyre, pikërisht në këtë kohë. Qëndrimi i PDK-së është shumë i qartë, do ta themi në Prishtinë, se këtu jemi te djersa e njerëzve që po e mbajnë Kosovën”, deklaroi Veseli për KP.
Veseli teksa ka vizituar disa fermerë në Krushën e Madhe, është zotuar se pako e rimëkëmbjes ekonomike e propozuar nga PDK, në vlerë prej 320 milionë eurove do të kalojë.
“Është e paevitueshme që të kalojë pako e rimëkëmbjes kombëtare. Është duke na marrë kohë kjo çështja e politizimit të tepruar të luftës për pushtet që po zhvillohet. Ne presim kryetarja e Kuvendit ta vëjë në kryesi, ta procedojë, sepse ajo është në procedim për të ardhur në Kuvend të Kosovës. Nuk e patëm vullnetin politik që ta kalojmë për një ditë. Por e kemi mundësinë që shumë shpejt, për një ditë ta kalojmë këtë financiare, e cila është e domosdoshme”, u shpreh Veseli.
Ai bëri thirrje që pakoja financiare të kalojë sa më shpejt, në mënyrë që ndërmarrjet të mos përjetojnë kolaps.
Kryeministri Edi Rama, në vijim të vizitës në Japoni, këtë të premte mbajti një fjalim në Universitetin e Kombeve të…
Media arabe “Al Arabiya” raporton se sipas burimeve të saj, drafti përfundimtar i një marrëveshjeje të mundshme mes Shteteve të…
Presidenti i SHBA-së, Donald Trump, paralajmëroi për një ndërhyrje të mundshme ushtarake në Kubë, ndërsa kreu i Departamentit të Shtetit…
Këtë të premte, një moment i sikletshëm ka ndodhur pas takimit mes kryeministrit Edi Rama dhe kryeministres së Japonisë, Sanae…
Gjykata e Tiranës dha sot (22 maj) masën e sigurisë “arrest me burg” ndaj të ndaluarit një ditë më parë,…
Tomas Tuhel, ka surprizuar me listën e Anglisë. Sot janë zyrtarizuar 26 emrat ku anglezët do të besojnë për rikthimin…