Categories: Uncategorized

Osmani s’përjashton kthimin në LDK

Kryetarja e Kuvendit të Kosovës, Vjosa Osmani, ka paralajmëruar se iniciativa e re politike të cilën ajo është duke e menduar do të jetë vetëm angazhim i përkohshëm. Ajo ka thënë se është përjashtuar nga Lidhja Demokratike e Kosovës, përderisa nuk ka përjashtuar një rikthim në këtë parti.

Ajo ka kritikuar LDK-në duke thënë se është përjashtuar nga ata që “s’kanë mbrojtur parimet e LDK-së”. Sipas Osmanit, LDK-ja e ka dashur qëndrimin e saj vetëm në kohë zgjedhjesh.

Të lidhura

None found

“Unë jam përjashtuar nga Lidhja Demokratike e Kosovës, më 21 qershor. Ky është realiteti, të cilin shumë njerëz po tentojnë ta relativizojnë. Por, e vërteta është kjo. Është e vetmja e vërtetë dhe nuk ka të vërtetë tjetër. Në daç quaje përjashtim ose lirim nga detyra apo çka të duash. Është largim. Më kanë larguar, sepse nuk e duan kontributin tim. Më kanë larguar, sepse nuk e duan qëndrimin tim, nuk i duan idetë e mia, nuk e duan prezencën time. Në fakt, ato i donin vetëm në kohë zgjedhjesh, por tash nuk po i duan më. Kështu që ka qenë vendim i tyre që të vazhdojnë rrugën që e kanë zgjedhur, që është rrugë në kundërshtim me vullnetin qytetar të 6 tetorit. Kanë zgjedhur rrugë tjetër dhe dëshirojnë ta ecin pa mua. Është rrugë e zgjedhur nga ana e tyre”, ka thënë ajo në një intervistë për REL.

Osmani ka përsëritur qëndrimin e saj se nuk synon të kalojë në asnjë nga subjektet tjera aktuale. Ka shtuar se është vetëm në “fazën e diskutimeve të ideve se si do të mund të funksiononte një iniciativë e re”. Sipas saj, një iniciativë e re do të mund të bëhet vetëm me njerëz intelektualë, profesionistë e me integritet.

Ka thënë se iniciativa që ajo mund të formojë do të angazhohet “për çkapjen e shtetit, demokratizimin e vendit dhe hapjen e rrugës për profesionistët e vërtetë dhe njerëzit me integritet, që ta bëjnë këtë shtet ashtu siç e meritojnë qytetarët tanë dhe ta bëjnë këtë shtet një vend me të cilin ata do të mburren, e jo një vend nga i cili dëshirojnë të ikin”.

“Unë do të pres të shoh se çka do të ndodhë në LDK përgjatë këtyre viteve. Nëqoftëse aty vërtet ka një lëvizje për reformim, i cili i sjell në pah njerëzit, të cilët e mbajnë fjalën publike, kanë përgjegjësi për fjalën publike, nuk përzihen me parti, të cilat janë shquar për krim e korrupsion, por janë vërtet të interesuar që nëpërmjet qeverisjes së pastër dhe qeverisjes vetëm me partnerë të tjerë të pastër ta bëjnë Kosovën shtet ku ka shpresë, sidomos për rininë tonë, atëherë natyrisht që unë do të rikthehem. Prandaj, edhe unë angazhimin në këto zgjedhje që mund të vijnë së shpejti, e shoh si një lloj angazhimi të përkohshëm, dhe është edhe një votë edhe për reformimin e LDK-së, sepse do të jetë një mesazh që LDK-ja vërtet duhet të reformohet, duhet të ndryshojë, duhet të hapet për njerëz të cilët e mbajnë fjalën dhe jo të konsiderohet se, ajo çka ka ndodhur prej 6 tetorit e tutje është normalitet”, ka deklaruar ajo.

“Prandaj, edhe po e them, ky për mua është një angazhim i përkohshëm me qëllim që unë t’i ndihmoj nga jashtë, të tjerët të ndihmojnë nga brenda e LDK-ja t’u rikthehet vlerave të saj të vërteta”, ka shtuar ish-nënkryetarja e LDK-së.

Osmani ka thënë se iniciativa që mund të formohet aktualisht e sheh si partner të vetëm Lëvizjen Vetëvendosje.

Osmani ishte përjashtuar nga pozitat udhëheqëse në LDK pas qëndrimit kundër rrëzimit të Qeverisë Kurti dhe kundër formimit të Qeverisë Hoti.

të fundit

VIDEO/ Deputetes së partisë së Vuçiç i hidhet bidoni me kos në kokë para Parlamentit

Një incident është regjistruar përpara Kuvendit të Serbisë, ku deputetja e Partisë Progresive Serbe (SNS), Lidija Vukiçeviç, është sulmuar nga…

2 minutes ago

Flamuri shqiptar dhe ai i UÇK-së i kushtojnë 3 muaj burg 19-vjeçarit në Kumanovë

Tre muaj burg për 19-vjeçarin në Kumanovë, nxori flamurin shqiptar dhe atë të UÇK-së. Gjykata Themelore e Kumanovës ka dënuar…

3 minutes ago

Evropë, ku mbetet drejtësia?” – “Liria ka Emër” zhvillon protestë para Zyrës së BE-së në Prishtinë

Me një pankartë ku shkruan “Evropë, ku është drejtësia?”, iniciativa “Liria ka Emër” ka zhvilluar një aksion para Zyrës së…

10 minutes ago

Integrimi i sistemeve të pagave dhe personelit synon eliminimin e regjistrimeve të përsëritura

Ministria e Digjitalizimit dhe Administratës Publike ka prezantuar sot ndërlidhjen e Sistemit Informativ për Menaxhimin e Burimeve Njerëzore (SIMBNJ) me…

10 minutes ago

OVL-UÇK: Vendimi ndaj Thaçit është i papranueshëm, institucionet e Kosovës duhet të reagojnë

Xhavit Jashari nga Shoqata e Familjeve të Dëshmorëve të UÇK-së e ka cilësuar të papranueshëm dënimin e ish-presidentit të Kosovës,…

10 minutes ago

Greqi, zarfi me pluhur të bardhë shkakton alarm në Ministrinë e Mbrojtjes së Qytetarit

Në alarm janë vendosur organet greke të Rendit pas zbulimit të një zarfi me pluhur të bardhë që ka mbërritur…

10 minutes ago