Infektohen me koronavirus edhe dy zyrtare të komunës së Podujevës

Dy zyrtarë të Komunës së Podujevës kanë rezultuar pozitivë me COVID-19.

Të konfirmuarit me virusin korona janë zyrtarë në dy drejtori të Komunës së Podujevës.

Këtë e ka konfirmuar edhe drejtori i Administratës, Gëzim Namani.

“Dy zyrtarë në Komunën e Podujevës janë konfirmuar më COVID-19. Njëri është në Drejtorinë e Arsimit dhe tjetri në Drejtorinë e Urbanizimit”, ka thënë Namani.

Ndërkaq, numri i rasteve me koronavirus është rritur javët e fundit në Podujevë. Për vetëm dy ditë, rreth 40 persona kanë rezultuar pozitivë.

Që nga sonte, do të nisë edhe ora policore edhe në Komunën e Podujevës. Sipas vendimit të Qeverisë, nga ora 22:30 deri në ora 05:00 ndalohet qarkullimi.

Sot edhe 239 raste të reja me virusin korona janë konfirmuar në Kosovë, pas testimit të 401 mostrave nga IKSHPK-ja. Nga këto raste, 14 janë nga Podujeva.