I shtruar në QKUK, kjo është gjendja e Hashim Thaçit

Pas lajmit se presidenti i Kosovës është shtruar në QKUK pas disa komplikacioneve shëndetësore, presidenca ka dhënë detaje në lidhje me gjendjen e tij.

Zyra e Presidentit të Kosovës ka bërë të ditur se, Hashim Thaçi është duke u trajtuar Klinikën e Urologjisë.

Sipas njoftimit, presidenti Thaçi kishte shkuar në QKUK për një kontroll pas shqetësimeve të shfaqura nga gurët në veshkë dhe më pas është shtrirë në Klinikën e Urologjisë, ku po trajtohet nga personeli mjekësor profesional.

“Gjendja shëndetësore e Presidentit të Republikës së Kosovës është stabile dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi”, thuhet në njoftim.

Njoftimi i plotë i Presidencës, pa ndërhyrje:

Presidenti i Republikës së Kosovës, Hashim Thaçi, pas shqetësimeve të shfaqura nga gurët në veshkë, sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional.

Presidenti i Republikës së Kosovës shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës.

Gjendja shëndetësore e Presidentit të Republikës së Kosovës është stabile dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi.