1,572 raste aktive me koronavirus në Kosovë

Që nga 13 marsi kur edhe janë paraqitur dy rastet e para të të infektuarve me COVID-19, në Kosovë deri më tani janë infektuar 15 mijë e 472 me këtë virus.

Derisa 13 mijë e 278 persona kanë arritur që të shërohen nga virusi korona, janë edhe 622 të tjerë të cilët kanë vdekur shkak i infektimit me këtë virus.

Kurse, 1 mijë e 572 është numri i rasteve aktive me COVID-19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 525 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 47 raste pozitive. Brenda 24 orëve janë raportuar 3 raste të vdekjes me SARS CoV-2 pozitiv (1 rast nga Klinika Infektive, 1 rast nga spitali Ferizaj dhe 1 rast nga Mjekimi Intensiv Qendror, QKUK). Numri total i rasteve pozitive është 15.472 raste nga 65.979 persona të dyshimtë në virusin SARS-CoV-2 dhe 622 raste të vdekjes. Gjatë 24 orëve të fundit, janë shëruar 113 pacientë derisa numri i përgjithshëm i të shëruarve deri më sot është gjithsej 13.278 raste, kurse numri i rasteve aktive është 1.572”, thuhet në njoftimin e IKSHPK-së.

Rastet pozitive janë nga: komuna e Prishtinës 17 raste, komuna e Gjilanit 9 raste, komuna e Istogut 5 raste, komuna e Kamenicës 4 raste, komuna e Fushë Kosovës 3 raste, komuna e Vitisë 2 raste dhe me nga një rast komunat Ferizaj, Lipjan, Obiliq, Pejë, Podujevë, Suharekë dhe Vushtrri.