E ëma feston ditëlindjen dhe Andrra sapo zbuloi nga buron bukuria e saj (FOTO LAJM)

Me dy foto në periudha të ndryshme, Andrra Destani ka zgjedhur të urojë nënën e saj me rastin e ditëlindjes. Ajo ka shkruar disa fjalë prekëse, që me siguri i kanë përlotur të gjithë.

“Nënë…sikur të mos ikja kurrë nga streha e kraharorit tënd, sikur t’i dëgjoja sërish ninullat nga zëri që më jep paqe në shpirt, sikur të mund të ta ledhatoja fytyrën që s’ma kurseu kurrë buzëqeshjen, sikur kilometrat të mos ishin mes nesh, s’do reshtja kurrë së thënuri se je më e shtrenjta për mua. Dua ta ndal kohën në çastet me ty, t’i jetoj me të njëjtën forcë emocioni që i kujtoj. Dua të të uroj sot, edhe pse zemra më kërkon përqafimin e munguar. Gëzuar ditëlindjen, ty që je rreze e ngrohtë shpirti për familjen tonë. E pac gjithë jetën festë aroma ime e jetës. Të jesh nënë është sakrificë e bukur, të jesh TI është hyjnore”, shkruan Andrra.

Me siguri bukuroshja nuk ka mundur të takojë nënën e saj për shkak të situatës që bota po kalon dhe lëvizjet janë të ndaluara.