Cila është tema e Met Gala 2024?

Kanë mbetur edhe pak orë deri te ngjarja më e madhe e modës, Met Gala 2024.

Ky event prestigjioz edhe këtë vit mbledh yjet më të mëdhenj të kulturës, artit dhe politikës në vend.

Ngjarja mbahet të hënën e parë të majit të çdo viti. Këtë vit bie më 6 maj.

Tema e Met Gala-s së këtij viti buron nga ekspozita e fundit e Institutit të Kostumeve të Muzeut Metropolitan të Artit , “Sleeping Beauties: Reawakening Fashion”.

“Kur një veshje hyn në koleksionin tonë, statusi i saj ndryshohet në mënyrë të pakthyeshme. Ajo që dikur ishte një pjesë jetike e përvojës së jetuar të një personi, tani është një ‘vepër arti’ e palëvizshme që nuk mund të vishet, dëgjohet, preket apo nuhatet më. Ekspozita përpiqet t’i ringjallë këto vepra arti duke rizgjuar kapacitetet e tyre shqisore përmes një game të larmishme teknologjish, duke u ofruar vizitorëve ‘akses ndijor’ në veshjet e rralla historike dhe bashkëkohore”, tha kuratori Andrew Bolton.

“Duke apeluar në gamën më të gjerë të mundshme të shqisave njerëzore, shfaqja synon të rilidhet me veprat e ekspozuara siç ishin menduar fillimisht – me gjallëri, me dinamizëm dhe në fund të fundit me jetën”.

Tema e këtij viti shkon dorë për dore me një kod veshjeje, të quajtur “The Garden of Time” (Kopshti i kohës).

Kodi i veshjes së Met Gala-s zakonisht interpretohet mjaft lirshëm nga të ftuarit, duke krijuar disa momente të paharrueshme në tapetin e kuq.