Shkaktoi virusin vdekjeprurës, ushqimi me minj të gjallë ndalohet në Kinë

Përdoruesit e rrjeteve sociale janë revoltuar nga pamjet e një pjate në një restorant kinez.

Aty duket një person që lyen një mi në salcë dhe e ha të gjallë. Pjata njihet si “Tre lëvizjet” pasi ka minj të gjallë që ngordhin kur lyhen në salcë.

Ky lloj ushqimi është shumë i njohur në provincën Guangdong. Është e paqartë ku dhe kur u realizuan pamjet, por janë bërë virale në internet.

Kina e ka ndaluar një ushqim të tillë, por ende shërbehet në disa restorante.

Ndalimi erdhi pasi shteti aziatik po përballet me virusin vdekjeprurës Koronavirusi, i cili është përhapur edhe jashtë kufijve dhe po merr jetën e shumë personave.

Virusi transmetohet nëpërmjet ajrit prej tështimës apo kollitjes, por ka dyshime se ka të bëjë me mënyrën e ushqyerjes nga populli kinez.

Edhe supa me lakuriq nate, që është gjellë popullore veçanërisht në Wuhan, nga ku shpërtheu virusi, është hequr nga tregu. Shkencëtarët dyshojnë se virusi e ka origjinën tek ushqimet e tilla.