Shifra dramatike, Brazili epiqendra e re ekoronavirusit

Brazili është shndërruar në epiqendrën e re të infeksioneve me COVID-19.

Gjatë orëve të fundit vendi regjistroi një numër rekord të rasteve të reja të koronavirusit, duke tejkaluar numrin e Francës për t’u bërë vendi i gjashtë më i prekur.

Qeveria konfirmoi 11,385 raste të reja në 24 orët e fundit, duke e çuar numrin e saj të përgjithshëm në 188.974 raste të koronavirusit që prej fillimit të shpërthimit.

Madje, Brazili ka filluar të konsiderohet si epiqendra e re e COVID-19.

Pandemia ka goditur ekonominë e Brazilit ndërsa banorët strehohen në shtëpi dhe shumë qeveri shtetërore dhe lokale udhëzuan që shumica e bizneseve të mbyllen për të ngadalësuar përhapjen e virusit.

Pasojat janë ndjerë edhe në ekonomi, ku koronavirusi e dërgon ekonominë drejt vitit të saj më të keq që të paktën nga 1900, raporton Reuters.