Gjilani pret Malishevën në sfidën e javës së 13-të, zbulohen formacionet zyrtare

Përballja mes Gjilanit dhe Malishevës, në kuadër të javës së 13-të të Albi Mall Superligës së Kosovës, do të nisë në orën 16:00. Gjilanasit do të presin malishevasit në stadiumin me bar artificial, ndërsa të dyja skuadrat tashmë i kanë bërë të ditura formacionet zyrtare.

Nga katër takimet e fundit, skuadra e drejtuar nga Zekirja Ramadani ka regjistruar dy fitore dhe dy barazime. Pas dy barazimeve të njëpasnjëshme, Gjilani kërkon të rikthehet te suksesi për të vijuar ngjitjen në renditje.

Edhe Malisheva e Kastriot Rexhës ka marrë dy fitore e dy barazime në katër përballjet e fundit. Synimi i saj është të fitojë, ose të sigurojë të paktën një barazim, në mënyrë që të mbajë ritmin e Prishtinës kryesuese.

Për këtë takim, të dy trajnerët kanë përzgjedhur formacionet që i vlerësojnë si më të mirat të mundshme.

Gjilani do të nisë me: Coric; Thaqi, Limani, Krivanjeva, Potoku; Boshnjaku, Morina, Bllaca; Bajraktari, Tolaj, Bilalli.

Për Malishevën do të startojnë: Kanuric; Pira, Kryeziu, Skovgaard, Bajraktari; Luma, Ndjigi; Isgandarli, Nafiu, Xhylani; Ibishi.