Italia merr masa strikte ndaj virusit: Mbyllen shkollat, teatrot e deri te klubet e natës

Ditën e djeshme u shënua viktima e tretë në Itali nga virusi vdekjeprurës. Sot Milano, është mbyllur me qëllim që të qëndrojë larg virusit i cili ka marrë me mijëra jetë njerzish në Kinë.

Nga shkollat te teatrot, muzetë, kinematë, baret dhe klubet e natës nga 18:00 deri në 6: të gjitha të mbyllura për 7 ditë, të cilat madje mund të bëhen 14 sipas procedures qe ndoqi Rajoni i Lombardisë, i cili parashikon pezullimin e ngjarjeve ose iniciativave të çfarëdo natyre, ngjarjesh ose çfarëdo forme takimesh në një vend publik, përfshirë ato kulturore.

Pas kesaj njerëzit dynden në supermarkete për të mbushur karrocat e tyre me ushqime dhe ne markete duken vetem rafte te zbrazur.

Shfaqjet janë pezulluar gjithashtu në Piccolo Teatro deri në njoftimin e mëtejshëm; pastaj u mbyll Hangar Bicocca dhe muzeu i Gallerie d’Italia.

Edhe monumenti simbolik i qytetit, Duomo, do të mbetet i mbyllur për turistët si masa paraprake deri më 25 shkurt.

Besimtarët do të jenë në gjendje të hyjnë për t’u lutur, por nuk do të jenë në gjendje të marrin pjesë në tubimet tjera që janë pezulluar deri në një datë për t’u përcaktuar, siç njoftoi kryepeshkopi i Milanos, Imzot Mario Delpini.