793 raste të reja me koronavirus në Gjermani në 24 orët e fundit

nstituti për sëmundje ngjitëse “Robert Koch” njoftoi se gjatë 24 orëve të kaluara në Gjermani janë shënuar 793 raste të reja të koronavirusit. Kështu, numri i përgjithshëm i të prekurve në këtë shtet shkoi në 162,496.

Përpos infektimeve të reja, gjatë kësaj periudhe u shënuan edhe 74 raste fatale dhe numri i përgjithshëm i të vdekurve shkoi në 6,649, shkruan “Reuters”.

Gjermania është një ndër vendet me numrin më të lartë të të infektuarve me Covid-19 në Evropë, por ka shkallë të ulët të vdekshmërisë në krahasim me shtetet kryesore evropiane, si Italia, Spanja, Franca dhe Britania e Madhe.

Qeveria gjermane ka filluar t’i lehtësojë masat e izolimit me qëllim të riaktivizimit të ekonomisë, por epidemiologët kanë bërë thirrje për kujdes dhe respektim të distancës sociale, në të kundërtën rastet mund të shënojnë rritje përsëri, sipas tyre.