Shkelet siguria e Volvos, vidhen disa të dhëna

Volvo Cars po heton një shkelje të sigurisë kibernetike dhe vjedhje të një sasie të kufizuar të të dhënave të kërkimit dhe zhvillimit të kompanisë. Shkelja e të dhënave u raportua të premten nga vetë prodhuesi suedez i automjeteve.

Kompania tha se një nga depot e saj të skedarëve ishte aksesuar ilegalisht nga një palë e tretë.

“Hetimet kanë zbuluar se një sasi e kufizuar e pronës së R&D të kompanisë është vjedhur gjatë ndërhyrjes”, tha kompania në një deklaratë të premten, raporton techcrunch.

Pavarësisht sasisë së kufizuar, mund të ketë një ndikim në funksionimin e kompanisë, tha Volvo Cars, pa dhënë më shumë detaje mbi madhësinë e shkeljes apo se çfarë është vjedhur.

Një zëdhënës i Volvos refuzoi gjithashtu të jepte më shumë informacione.

Kompania po punon me një studiues të pavarur të palës së tretë për të hetuar këtë vjedhje.

Volvo tha se zbatoi kundërmasa sigurie, duke përfshirë hapa për të parandaluar aksesin e mëtejshëm në pronën e saj, si dhe njoftoi autoritetet përkatëse pasi zbuloi aksesin e paautorizuar.

Duket se vjedhja synonte të dhënat e R&D të kompanisë, dhe jo informacionin e klientit.