Apple padit OpenAI: Akuzohet për vjedhje të dhënash sekrete nëpërmjet ish-punonjësve

Apple ka nisur një proces ligjor kundër OpenAI, duke pretenduar se ka siguruar qasje në informacione kyçe konfidenciale duke punësuar ish-anëtarë të stafit të saj.

Në një padi federale të depozituar të premten, kompania paditi firmën e inteligjencës artificiale, dy prej të punësuarve të saj dhe io Products, me akuzën se ato ishin të përfshira në një “skemë të mirëfilltë vjedhjeje” të të dhënave të brendshme të Apple, të lidhura me zhvillimin e produkteve dhe punët e ngjashme.

Dyshimet bien mbi dy ish-punonjës të Apple, të cilët u larguan për t’iu bashkuar OpenAI dhe që mendohet se kanë përcjellë përmes email-it informacione të brendshme të kompanisë.

Një zëdhënës i OpenAI deklaroi për BBC: “Ne nuk kemi interes për sekretet tregtare të kompanive të tjera”. Ai shtoi se po hetohet ankesa e Apple. Ndërkohë, një përfaqësues i Apple theksoi se padia është ngritur mbi bazën e provave të konsiderueshme.