Google regjistroi rekord absolut të kërkimeve gjatë sfidës Argjentinë-Egjipt në Botëror

Një valë e paprecedentë kërkimesh përfshiu Google-in gjatë duelit të 1/8 së finales së Kupës së Botës midis Argjentinës dhe Egjiptit, duke vendosur një standard të ri historik për platformën. Nick Fox, nënkryetar i lartë i kompanisë për njohuri dhe informacion, zbuloi se motori i kërkimit kishte shënuar pikun më të lartë të të gjitha kohërave.

Rekordi u arrit në çastet pas golit vendimtar të Enzo Fernandez, i cili i siguroi fitoren kampionëve aktualë të botës me përmbysjen 3:2 ndaj Egjiptit. Sipas CNBC, pikërisht ky moment ndezi një furi kërkimesh në shkallë globale, me pyetje të përqendruara te ndeshja, Lionel Messi dhe vetë Kupa e Botës.

Në platformën X, Fox deklaroi se Google Search “theu të gjitha rekordet e mëparshme të përdorimit”, një fakt që u mbështetur edhe nga Robbie Stein, zëvendëspresident i zhvillimit të këtij shërbimi, i cili pohoi se ai kulm historik u materializua pikërisht në atë ditë.

Megjithatë, kompania zgjodhi të mos bënte publike shifrat konkrete mbi vëllimin e pyetjeve apo metodologjinë e përdorur për matjen e kësaj arritjeje.

Vlen të theksohet se ky nuk është rasti i parë që një kompeticion i rëndësishëm futbollistik sfidon dhe tejkalon limitet e kërkimit në platformën Google.