Categories: tech

Geoffrey Hinton ngre alarmin për superinteligjencën: “Mund të rrezikojë ekzistencën e njerëzimit

Geoffrey Hinton, shkencëtari britaniko-kanadez i konsideruar një prej “kumbarëve të inteligjencës artificiale”, ka paralajmëruar për pasojat e mundshme të krijimit të sistemeve artificiale me aftësi shumë më të mëdha se ato njerëzore.

Të lidhura

None found

Hinton, i cili është i njohur për kontributet e tij pionere në zhvillimin e rrjeteve nervore artificiale, vlerëson se përparimi drejt superinteligjencës mund të sjellë pasoja katastrofike nëse njerëzit humbasin kontrollin mbi këto sisteme.

Sipas tij, skenari më i rëndë do të ishte ai ku inteligjenca artificiale bëhet e pakontrollueshme dhe kërcënon vetë mbijetesën e njerëzimit.

“Do të ishte shumë e pamend të zhvillonim superinteligjencën tani”

Me termin superinteligjencë nënkuptohet një sistem artificial që tejkalon aftësitë intelektuale të çdo individi, kompanie apo edhe shteti.

“Do të ishte shumë e pamend të zhvillonim superinteligjencën tani, kur nuk ekziston një konsensus shkencor se ajo mund të zhvillohet në mënyrë të sigurt dhe të kontrollueshme”, u shpreh Hinton.

Ai shtoi se pamundësia për të mbajtur nën kontroll një inteligjencë artificiale më të zgjuar se njerëzit mund të kishte pasoja katastrofike dhe madje të çonte në zhdukjen e njerëzimit.

Projektligj në Britani për ndalimin e zhvillimit të superinteligjencës

Paralajmërimet e Hinton vijnë në një kohë kur organizata ControlAI ka hartuar një projektligj, i cili është propozuar nga deputeti laburist Alex Sobel.

Nisma, e titulluar “UK Artificial Superintelligence Security Bill”, synon të ndalojë zhvillimin e inteligjencës artificiale superinteligjente në Mbretërinë e Bashkuar.

ControlAI bën të ditur se fushata ka marrë mbështetjen e më shumë se 135 parlamentarëve britanikë nga parti të ndryshme.

Organizata argumenton se inteligjenca artificiale e specializuar mund të ketë ndikim të madh në shkencë, mjekësi, inovacion dhe shërbime publike, ndërsa sistemet superinteligjente mund të paraqesin rrezik për sigurinë kombëtare dhe atë globale.

Ekspertët kërkojnë mbikëqyrje më të fortë të AI-së

Sipas ControlAI, fitues të çmimit Nobel, studiues të inteligjencës artificiale dhe drejtues të kompanive të mëdha teknologjike kanë paralajmëruar më parë se ulja e rrezikut të zhdukjes së njerëzimit nga AI duhet të trajtohet si një prioritet në nivel global.

Organizata kërkon që Britania të miratojë rregulla detyruese për sistemet më të fuqishme të inteligjencës artificiale, duke mbajtur të hapur njëkohësisht rrugën për zhvillimin e teknologjive më të specializuara.

Përplasja mes nevojës për siguri dhe nxitjes së inovacionit

Çështja e rregullimit të inteligjencës artificiale ka nxitur diskutime të forta edhe mes drejtuesve të kompanive kryesore të teknologjisë.

Sam Altman, drejtues i OpenAI, ka mbështetur më herët shtimin e rregullave për AI-në, por kohët e fundit ka shprehur shqetësimin se mbirregullimi mund të sjellë pasoja negative.

Gjatë një dëgjimi në Senatin amerikan, Altman tha se rregullat tepër kufizuese mund të dëmtojnë ritmin e inovacionit.

“Na duhet hapësirë për të inovuar dhe për të lëvizur shpejt”, deklaroi ai.

Altman ka theksuar gjithashtu se nuk është e lehtë të përcaktohen që në fillim të gjitha masat e sigurisë, përpara se të shfaqen problemet konkrete.

Hinton: “Nëse nuk gjejmë zgjidhje, do të jemi të humbur”

Qëndrimi i Geoffrey Hinton është dukshëm më alarmues në krahasim me atë të drejtuesve të industrisë teknologjike.

Ai e konsideron jashtëzakonisht të rrezikshme krijimin e sistemeve që tejkalojnë inteligjencën njerëzore, pa pasur më parë një zgjidhje të qartë për mënyrën se si do të kontrollohen.

“Nëse nuk arrijmë të kuptojmë se si mund të vazhdojmë të ekzistojmë kur ato të bëhen shumë më inteligjente dhe më të fuqishme se ne, atëherë do të jemi të humbur”, ka deklaruar më herët Hinton.

Shkencëtari ka bërë thirrje edhe për krijimin e një kundërpeshe ndaj kompanive të teknologjisë që kundërshtojnë vendosjen e rregullave për inteligjencën artificiale.

“Na duhet një presion i kundërt ndaj atyre në industrinë e teknologjisë që thonë se AI nuk duhet të rregullohet”, është shprehur ai.

Mungon ende një qëndrim i përbashkët për nivelin e rrezikut

Edhe pse paralajmërimet për superinteligjencën po shtohen, ekspertët vazhdojnë të kenë pikëpamje të ndryshme për mundësinë që sistemet e ardhshme të AI-së të dalin realisht jashtë kontrollit ose të përbëjnë një kërcënim ekzistencial.

Megjithatë, fokusi i debatit po largohet gradualisht nga aftësitë që inteligjenca artificiale ka sot dhe po përqendrohet te kufijtë e zhvillimit të saj në të ardhmen, si edhe te masat e sigurisë që duhet të vendosen përpara se këto sisteme të arrijnë nivele shumë më të larta autonomie dhe fuqie./GazetaExpress/

Tags: AutoTech

të fundit

Zbulimi tronditës në banesën e 65-vjeçarit në Liverpool/ Nga kafazet me brejtës të ngordhur te trupi i gruas i fshehur në ngrirëse

Një ngjarje makabre ka tronditur opinionin publik në Britaninë e Madhe. Pamjet e publikuara në sallën e gjyqit kanë zbuluar…

3 minutes ago

Crowd of protesters outside Parliament, activist Vatnikaj: MPs protect oligarchs, not the people

Protestuesit kanë mbërritur përpara Kuvendit, teksa nuk lejohet që të shkojnë më tutje. Kjo, pasi janë vendosur gardhe metalike dhe…

9 minutes ago

By 2035 Morocco aims to produce 40% of needed military equipment domestically and commits $400 million for the defense industry

Maroku ka hartuar një plan ambicioz për zhvillimin e industrisë së tij ushtarake, me synimin që deri në vitin 2035…

10 minutes ago

Shehaj rushes to hospital and denounces pressure from Police Station No. 1 on the 23-year-old who recounted the violence

Kryetari i Partisë Mundësia Agron Shehaj ka denoncuar një tjetër detaj të rëndë që ka ndodhur me djalin e ri…

10 minutes ago

2027 draft budget reaches 10 billion euros, Koçiu: We aim for a European Albania with more security for families

Zëvendëskryeministrja Albana Koçiu ka prezantuar përmes një videomesazhi në Kuvend projektbuxhetin e vitit 2027, i cili kap vlerën e 10…

10 minutes ago

Hajrulla Çeku consults with Gjilan students on Education Strategy 2035+

Ministri Hajrulla Çeku ka zhvilluar një bashkëbisedim me studentët e rajonit të Gjilanit, në kuadër të konsultimeve për hartimin e…

11 minutes ago