Porsche po shqyrton një supermakinë mbi 911, me teknologji nga Audi Nuvolari

Porsche ka nisur të vlerësojë mundësinë e krijimit të një supermakine të re, e cila do të vendosej në hierarki mbi modelin legjendar 911.

Në vend të zhvillimit të një baze krejtësisht të re, prodhuesi gjerman mund të mbështetet te platforma dhe teknologjia e Audi Nuvolari.

Raportimet bëjnë të ditur se Nuvolari përdor të njëjtën bazë teknike me Lamborghini Temerario, ndërsa është ndërtuar me strukturë prej fibrash karboni dhe pajiset me një sistem hibrid me performancë të lartë.

Përdorimi i kësaj teknologjie do t’i jepte Porsche-s mundësinë ta çonte më shpejt në zhvillim modelin e ri, duke shmangur shpenzimet e konsiderueshme të ndërtimit të një platforme nga fillimi.

Kompania ka konfirmuar se po shqyrton alternativa të reja për segmentet GT dhe hiper-makinave.

Pavarësisht kësaj, ideja për një supermakinë të bazuar në Nuvolari mbetet ende në fazën e mundësisë dhe nuk ka marrë konfirmim zyrtar.

Detaje të tjera pritet të publikohen më 7 tetor, kur Porsche do të prezantojë strategjinë e saj të re.