Audi prezanton modelin më të fuqishëm në historinë e saj, me çmim deri në 600 mijë euro

Nuvolari është makina rrugore më e shpejtë dhe më e fuqishme që Audi ka prodhuar ndonjëherë.

Kjo supermakinë hibride plug-in ofron 987 kuaj fuqi dhe është konceptuar si një homazh për legjendën italiane të motorsportit, Tazio Nuvolari.

Modeli u zbulua në Mantova, përkrah Auto Union Type D, automjeti me të cilin piloti italian triumfoi në Çmimin e Madh të Italisë në vitin 1938.

Për zhvillimin e Nuvolari-t janë nevojitur vetëm 405 ditë, ndërsa karroceria e tij është ndërtuar tërësisht nga fibra karboni.

Sistemi i fuqisë përbëhet nga një motor V8 biturbo 4.0 litra dhe tre motorë elektrikë. Kjo përbërje i mundëson makinës të përshpejtojë nga 0 në 100 km/h në vetëm 2.6 sekonda dhe të arrijë një shpejtësi maksimale mbi 350 km/h.

Prodhimi do të kufizohet në vetëm 499 ekzemplarë, ndërsa çmimi i parashikuar varion nga 500,000 deri në 600,000 euro.