Hennessey prezanton Blackbird, superveturën e frymëzuar nga SR-71

Hennessey ka prezantuar Blackbird, modelin e tretë të krijuar plotësisht nga kompania amerikane, e cila fillimisht u bë e njohur si tuner dhe më pas kaloi në prodhimin e superveturave.

Supervetura mban emrin e aeroplanit legjendar spiun Lockheed SR-71 Blackbird, prej të cilit është marrë edhe frymëzimi për këtë projekt.

Blackbird do të përdorë një konfigurim tradicional, në kontrast me shumë modele moderne të pajisura me turbo ose teknologji hibride. Në qendër të saj do të jetë një motor V8 atmosferik 6.2-litërsh, i lidhur me një transmision manual me gjashtë shpejtësi.

Njësia e zhvilluar së bashku me Ilmor Engineering pritet të gjenerojë rreth 800–850 kuaj fuqi.

Përdorimi i gjerë i fibrës së karbonit ka bërë që Hennessey të synojë një peshë nën 1,360 kg, ndërsa fuqia e motorit do të transmetohet vetëm te rrotat e pasme.

Sipas pretendimeve të prodhuesit, përshpejtimi nga 0 në 100 km/h do të kryhet për rreth 2.5 sekonda, ndërsa shpejtësia maksimale do të arrijë afërsisht 354 km/h.

Prodhimi i Blackbird do të kufizohet në vetëm 71 ekzemplarë, secili me një çmim rreth 2.5 milionë dollarë.

Hennessey planifikon ta nisë prodhimin në vitin 2029, pasi të mbyllet seria e Venom F5.

Me këtë model, kompania synon të ofrojë një kombinim të rrallë mes performancës ekstreme dhe përvojës tradicionale të drejtimit.