Vetëm disa javë pasi prezantimi i makinës së parë elektrike të Ferrarit, Luce, u prit me reagime negative, shefi i marketingut të kompanisë ka paraqitur dorëheqjen pas 16 vitesh në këtë prodhues të supermakinave.
Gjatë kësaj jave, Ferrari bëri të ditur se Enrico Galliera do të largohet nga posti i drejtorit të marketingut dhe drejtorit komercial. Në korrik, ai do të pasohet nga Massimiliano Di Silvestre, ish-drejtues i BMW Italia, transmeton Telegrafi.
None found
Në deklaratën e saj, kompania e falënderoi Galliera për kontributin e dhënë, duke theksuar se ai kishte “vendosur të niste një kapitull të ri në udhëtimin e tij profesional – një vendim i ndarë me kompaninë disa kohë më parë”.
Ferrari nuk bëri asnjë referencë për lansimin e Luce në njoftimin që lidhej me largimin e Galliera, ndonëse modeli ishte përballur me kritika të forta që nga prezantimi i tij në maj.
Drejtori ekzekutiv Benedetto Vigna u shpreh se Galliera “ka luajtur një rol të rëndësishëm në rritjen e kompanisë dhe në forcimin e markës Ferrari në mbarë botën”.
Sipas Vignas, “Ai ka mirënjohjen e të gjithë ekipit të Ferrarit dhe urimet e mia personale më të mira për të ardhmen”, thuhej në deklaratë.
Detyrat e Galliera përfshinin edhe menaxhimin e klientëve që kishin mundësi të blinin automjetet shumë të kërkuara të markës së makinave luksoze.
Që prej marrjes së këtij roli në vitin 2010, ai ka qenë pjesë e një sërë momentesh të rëndësishme për kompaninë.
Në vitin 2013 u prezantua LaFerrari, hipermakina e parë hibride e Ferrarit, e cila ndërthur një motor benzine me një motor elektrik.
Më pas, në vitin 2015, kompania u listua në Bursën e Nju Jorkut, ndërsa një vit më vonë edhe në Milano.
Megjithatë, Luce, me çmim 640,000 dollarë, nxiti një valë memesh në internet dhe komente negative.
Dizajni i saj, i konceptuar nga projektuesi i iPhone, Sir Jony Ive, mori kritika edhe nga ish-kryetari i kompanisë, zëvendëskryeministri dhe ministri i transportit i Italisë, Matteo Salvini.
Një ditë pas prezantimit të Luce, aksionet e Ferrarit pësuan rënie me 8%. /Telegrafi/
Volkswagen ka vendosur të pezullojë përkohësisht zhvillimin e modelit të ri elektrik ID. Golf, në kuadër të përpjekjeve për të…
Barcelona po shqyrton mundësinë e përforcimit të repartit defensiv gjatë afatit kalimtar të janarit, ndërsa në listën e emrave të…
Një ngjarje e rëndë ka tronditur Kaliforninë në SHBA, ku një 31-vjeçare shtatzënë ka humbur jetën pas të shtënave me…
Sioni ka shpëtuar një pikë në udhëtim te Luzerni, në një ndeshje ku protagonistë ishin dy futbollistët e Kosovës, Kreshnik…
Një zhvillim i ri ka tronditur sektorin financiar në Turqi. Korkmaz Enes Ergun, drejtori i përgjithshëm i Bursës së Stambollit…
Dean KlafuriçTirana pret në stadiumin e Vorës Egnatian, për ndeshjen e vlefshme të javës së 10-të të “Abissnet Superiore” [...]Read…