Audi A2 elektrik fotografohet në testime, zbulohet çmimi i pritshëm

Gjenerata e re e Audi A2 po shkon drejt prezantimit zyrtar, i parashikuar të zhvillohet në Evropë gjatë vjeshtës së ardhshme.

Edhe pse rikthen emrin e një modeli të njohur, A2 i ri përfaqëson orientimin e qartë të Audi drejt së ardhmes elektrike.

Modeli do të jetë një hatchback plotësisht elektrik, ndërsa prototipet e tij vijojnë t’u nënshtrohen provave.

Së fundmi, një prototip i A2 u dallua duke u testuar në pistën e njohur të Nürburgringut në Gjermani, siç paraqitet në videon më poshtë.

Pavarësisht kamuflazhit të dendur, automjeti konfirmon dyshimet e deritanishme se pamja e A2 të ri do të mbështetet dukshëm te dizajni i modelit origjinal.

Dalja në shitje pritet në fillim të vitit 2027, me çmime që nisin nga rreth 35,000 euro.