Categories: sport

Zyrtare: Selmin dhe Melvin Hoxha vazhdojnë bashkëpunimin me Zurichun deri në vitin 2031

FC Zurich ka konfirmuar se dy vëllezërit nga Kosova, Selmin dhe Melvin Hoxha, do të qëndrojnë pjesë e klubit zviceran deri në vitin 2031, pas nënshkrimit të kontratave të reja.

Marrëveshjet e mëparshme të dy futbollistëve ishin të vlefshme deri në vitin 2028. Për shkak të progresit të tyre, Zurichu ka vendosur t’i zgjasë kontratat edhe me tri vite.

Të lidhura

None found

Selmin Hoxha u bë pjesë e akademisë së Zurichut në verën e vitit 2014, në moshën 11-vjeçare, pasi u largua nga FC Uster. Mbrojtësi i krahut u rrit në të gjitha nivelet e akademisë dhe më 19 maj 2022 debutoi me ekipin e parë, në përballjen e kampionatit kundër FC Lugano.

23-vjeçari deri tani ka zhvilluar 29 ndeshje zyrtare me skuadrën e parë. Në sezonin aktual, ai ka nisur si titullar në të katër takimet e luajtura dhe në secilën prej tyre ka qëndruar në fushë për 90 minuta.

Rrugën e akademisë së Zurichut e ka ndjekur edhe vëllai i tij më i vogël, Melvin. Katër vite më i ri se Selmini, ai e nisi futbollin te FC Uster, ndërsa në moshën nëntëvjeçare u transferua te FCZ LetziKids.

Melvin kaloi nëpër të gjitha grupmoshat e klubit dhe në vitin 2024 u shpall kampion i Zvicrës me ekipin U17.

Një sezon më parë, mesfushori ofensiv fitoi edhe dy trofe me ekipin U19, duke triumfuar si në kampionat, ashtu edhe në Kupën e Zvicrës.

Paraqitjet e tij në ekipet e moshave i siguruan 19-vjeçarit një vend në skuadrën e parë të Zurichut gjatë kësaj vere.

Zurichu ka vlerësuar vazhdimësinë e bashkëpunimit me vëllezërit Hoxha, të cilët tashmë janë të lidhur me klubin për një periudhë afatgjatë dhe pritet të kenë rol të rëndësishëm në projektin e tij në vitet në vijim.

Selmini aktualisht luan për Zvicrën, ndërsa Melvini përfaqëson Kosovën.

të fundit

Nga grumbullimi i parë me kuqezinjtë te përballja me Elbasanin, Ysni Ismaili: Krenar për ftesën! Glen Daja e ka ngritur ekipin, synojmë maksimumin

Ysni IsmailiYsni Ismaili u konsiderua prurja e re e Kombëtares shqiptare për dy ndeshjet e nëntorit, atë me Finlandën dhe…

25 seconds ago

Largimi befasues nga skuadra angleze, e uruan trajnerin në mëngjes për ditëlindje dhe pas disa orësh e pushuan

Blackpool ka shkarkuar trajnerin Ian Evatt në ditëlindjen e tij të 45-të, vetëm disa orë pasi e uruan atë në…

45 seconds ago

Unë jam Edi Rama! Më jep 1 milion euro ose…”/ Si u përpoq 25-vjeçari Albi Muça të mashtronte sipërmarrësin, zbulohet mekanizmi

Një 25-vjeçar është arrestuar në Tiranë, pasi dyshohet se tentoi t’i merrte 1 milion euro një biznesmeni, duke u prezantuar…

1 minute ago

Analiza e CNN: Samiti trepalësh me Trump, avantazh për Xi dhe Putin në përpjekjen për një rend të ri global

Një takim i pazakontë mes presidentit amerikan Donald Trump, presidentit kinez Xi Jinping dhe atij rus Vladimir Putin është zhvilluar…

7 minutes ago

Zbulohet data, ja kur nis spektakli “Big Brother VIP Albania 6”

Gjatë një paraqitjeje televizive në rrjetet sociale, gazetari i njohur Elton Tozaj, ka zbardhur detaje rreth edicionit të ardhshëm të…

10 minutes ago

Major floods in northern France: 450 people evacuated, schools closed and new rainfall warned

Situata e përmbytjeve në veri të Francës është përkeqësuar ndjeshëm, duke detyruar autoritetet të aktivizojnë planin e emergjencës në dhjetëra…

13 minutes ago