Federata Franceze e Futbollit (FFF) ka bërë publike përbërjen e plotë të ekipit teknik dhe mbështetës që do të shoqërojë Zinedine Zidane në drejtimin e Kombëtares së Francës, vetëm tre ditë përpara se trajneri të prezantojë listën e tij të parë për ndeshjet e Ligës së Kombeve.
None found
Struktura e re do të ketë gjithsej 23 pjesëtarë. David Bettoni, bashkëpunëtor i vjetër i Zidanes, do të jetë krahu i djathtë i tij, ndërsa detyra për stërvitjen e portierëve i është besuar Fabien Barthez, një prej legjendave të futbollit francez.
Përgatitja fizike do të përforcohet me Arthur Hochedé, i cili vjen nga Red Star dhe do të bashkëpunojë me Grégory Dupont, këshilltarin e ekipit për strategjinë dhe performancën.
Ndryshime janë bërë edhe në departamentin mjekësor. Nën drejtimin e mjekut Hervé Collado, këtij sektori i janë bashkuar masazhatori Philippe Jamin dhe podologu Serge Isidor.
Detyrën për drejtimin e shërbimit mediatik do ta marrë gazetari i njohur francez Xavier Giraudon. Ndërkohë, Mohamed Sanhadji do të kujdeset për logjistikën dhe sigurinë e përfaqësueses franceze.
Zidane përgatitet për debutimin në stolin e Francës
Zinedine Zidane dhe stafi i tij do ta nisin punën zyrtare me Francën gjatë takimeve të shtatorit në Ligën e Kombeve.
Debutimi do të zhvillohet më 25 shtator, kur “Les Bleus” do të luajnë në transfertë kundër Turqisë. Më 28 shtator, vetëm tri ditë më pas, Franca do të përballet me Belgjikën.
Programi do të vijojë në fillim të tetorit me dy ndeshje në fushën vendase. Franca do të presë Italinë më 2 tetor, ndërsa më 5 tetor do të luajë sërish ndaj Belgjikës, këtë herë në ndeshjen e kthimit.
Kështu, Zidane do të nisë zyrtarisht periudhën e tij në krye të kombëtares franceze, me synimin për ta rikthyer atë në nivelet më të larta të futbollit evropian dhe botëror.
Pak minuta pasi postoi letrën drejtuar Drejtueses së PS për Qarkun e Fierit, Drejtoria e Përgjithshme e Burgjeve ka ushtruar…
Lista Studentore paralajmëron se do të shqyrtojë kushtetutshmërinë e marrëveshjeve të arritura në dialogun e Brukselit. Prishtina, ndërkohë, thotë se…
Kryetarja e Kuvendit të Kosovës, Albulena Haxhiu, ka bërë të ditur se në Kuvend është prezantuar projektplani i punës për…
Një 60-vjeçar është dënuar me 10 vite burg në Milano të Italisë, pasi goditi me thikë në shpinë një grua…
Një ngjarje e rëndë ka ndodhur në Gjermani, ku një shqiptar 28-vjeçar i ka dhënë fund jetës, në një kamp…
Instituti Parlamentar i Kuvendit të Republikës së Maqedonisë së Veriut ka publikuar një pasqyrë statistikore të përbërjes gjinore dhe etnike…