Një raport i ri ka nxjerrë në pah informacione të panjohura më parë lidhur me lejimin e diskutueshëm të Folarin Balogunit për t’u aktivizuar me Shtetet e Bashkuara në fazën eliminatore të Botërorit 2026, edhe pse ai ishte përjashtuar me të kuq gjatë ndeshjeve të grupit.
None found
Gazeta britanike “The Times” zbulon se pezullimi i sanksionit automatik nuk u vendos nga i gjithë Komiteti Disiplinor i FIFA-s, por ishte një veprim i ndërmarrë ekskluzivisht nga kryetari i tij, Mohammad Al-Kamali.
Burimi thekson se asnjë prej 17 anëtarëve të tjerë të këtij komiteti nuk u përfshi në shqyrtimin dhe vendimmarrjen për këtë dosje.
Ky vendim ndezi një stuhi debatesh pasi përmbysi praktikat e vendosura në Kupën e Botës. Deri më tani, lojtarët që ndëshkoheshin me karton të kuq direkt vuanin gjithmonë pezullimin e menjëhershëm, por në rastin e Balogunit, dënimi iu shndërrua në një pezullim njëvjeçar me kusht, çka i dha mundësinë të përballej me Belgjikën në raundin e 1/16-ave.
Bota e futbollit e priti me kritika të ashpra këtë trajtim. Mediat raportojnë se UEFA e përshkroi vendimin si “të pashembullt, të pakuptimtë dhe të pambrojtshëm”, teksa presidenti i FIFA-s, Gianni Infantino, deklaroi në atë moment se çështja u administrua nga një “trup i pavarur gjyqësor”.
Sidoqoftë, “The Times” pohon se vendimi ishte tërësisht në dorën e Al-Kamalit, duke hedhur dyshime të reja mbi transparencën e gjithë procesit.
Situata u ndërlikua akoma më tej kur presidenti i SHBA-së, Donald Trump, deklaroi hapur se kishte zhvilluar një bisedë me Infantinon mbi rastin e Balogunit përpara se të dilte masa përfundimtare.
Sipas të njëjtit material, FIFA ka zgjedhur të mos japë shpjegime për arsyet e heqjes së pezullimit automatik dhe nuk e ka bërë publik asnjë vendim të argumentuar me shkrim. Gjithashtu, mendohet se kjo shënon herën e parë që prej vendosjes së rregullit për pezullimin automatik pas kartonit të kuq në Botëror, që një dënim i tillë shfuqizohet plotësisht.
Në fund, Belgjika e eliminoi ekipin amerikan në atë raund, me Balogun që realizoi paraqitjen e tij më të dobët të kompeticionit.
Kryetari i Mitrovicës dhe bashkëkryetari i Partisë Guxo, Faton Peci, ka reaguar ashpër pas deklaratave të ish-deputetit të AAK-së, Daut…
Kryetari i Mitrovicës dhe bashkëkryetari i Partisë Guxo, Faton Peci, ka reaguar ashpër pas deklaratave të ish-deputetit të AAK-së, Daut…
Ilir Daja U mendua se Dinamo do të reagonte ndaj Teutës në javën e 7-të të Abissnet Superiore, por nuk…
Një i ri ka rrëfyer atë që ndodhi në bulevardin përpara Kryeministrisë, ku protestuesit dhe efektivët e policisë patën një…
PSG është shndërruar në makthin e klubeve angleze në Ligën e Kampionëve. Fitorja e fundit 4-2 ndaj Manchester Cityt në…
Dashi Nesër do të keni energji për të nisur gjëra të reja. Në dashuri, shmangni debatet e panevojshme dhe dëgjoni…