Pasi shënuam golin më të shpejtë ndonjëherë në një kampionat evropian në humbjen 2-1 ndaj Italisë, Shqipëria jonë vazhdoi të impresionojë edhe një herë sot, duke marr një barazim dramatik kundër Kroacisë (2-2) në ndeshjen e dytë të grupit në Euro 2024.
Një lojtar në veçanti u dallua, duke u bërë temë në mediat më të njohura botërore. Jasir Asanin, i cili asistoi te goli i shënua nga Qazim Laçi me një harkim të përsosur, u bë temë edhe pasi kishte bërë një zgjedhje speciale të këpucëve të ndeshjes së sotme.
29-vjeçari, i cili luan për Gwangju në Korenë e Jugut, doli në fushë me një palë këpucë sportive të personalizuara me imazhe të Super Mario Bros.
Në këmbën e tij të majtë, Asani kishte një imazh të hidraulikut ikonik italian të Nintendo, Mario, duke kërcyer në ajër pasi (me sa duket) goditi një breshkë dhe kishte mbledhur një sasi monedhash ari.
Në këmbën e tij të djathtë (po, ju e merrni me mend) ishte Luigi, vëllai i Marios dhe partneri i krimit në kaq shumë aventura video-lojërash.
Me Super Mario në këmbët e tij, Asani luajti një rol të rëndësishëm në barazimin ndaj Kroacisë.
Megjithatë, sulmuesi shqiptar nuk është lojtari i vetëm që ka ardhur në Euro 2024 me këpucë me porosi, pasi edhe disa yje të tjerë kanë bërë të njëjtën gjë.
Roman Schmid (Austri),Ferland Mendy (Francë), Lamine Yamal (Spanjë) dhe Toni Kroos (Gjermani) u pane me këpucë speciale tani në Euro 2024.
Lëvizja Vetëvendosje në mbledhjen e Këshillit të Përgjithshëm ka propozuar për kryeministër të Kosovës, Albin Kurtin. Nënkryetari i Vetëvendosjes, Glauk…
Ish-drejtoresha e Burimeve Njerëzore në kompaninë Astronomer, Kristin Cabot, ka paraqitur kërkesën për divorc nga bashkëshorti i saj Andrew Cabot,…
Paraditen e sotme, një aksident rrugor është regjistruar në rrugën nacionale Burrel–Klos, ku një automjet është përplasur me një motor.…
Një helikopter u rrëzua pranë Aeroportit Airlake, pranë qytetit Lakeville në shtetin amerikan të Minesotës, dhe nuk pati të mbijetuar…
Ditën e djeshme, i penduari i drejtësisë Nuredin Dumani, dhe një nga bashkëpunëtorët më të rëndësishëm të prokurorisë në vitet…
Sikur të mos mjafonte merkato stratosferike e sapombyllur e verës, Liverpuli po planfikon edhe lëvizjet e së ardhmes. Mbi të…