Xavi: Nuk e merituam humbjen

Xavi Hernandez ka pohuar se Barcelona nuk e meritonte të humbiste 1-0 nga Real Betis në Camp Nou të shtunën pasdite, pjesërisht falë paraqitjes së tyre mbresëlënëse pas pjesës së parë.

Ish-tekniku i Al Sadd u ankua për mënyrën se si reagoi skuadra e tij kur Betis tentoi të godiste në kundërpërgjigje, teksa theksoi se Barcelona duhet të përmirësohet taktikisht.

“Kur ishim në maksimumin tonë, goli erdhi në kundërsulm”, tha Xavi.

“Ne e dinim për tranzicionet e tyre. Kemi pasur disa minuta të mira. Është një ndëshkim shumë i ashpër për lojën që kemi luajtur. Është një humbje që dhemb. Në shtëpi. Ne ishim në formë të mirë, por futbolli i tillë është.

“Ne duhet të dominojmë më shumë ndeshjet. Duhet të ndalojmë kundërsulmet. Këto janë situata që duhet t’i kontrollojmë. Ka qenë e padrejtë. Kjo është Barcelona që duam, por duhet të përmirësohemi. Duhet të jemi taktikisht më të zgjuar.”

Xavi pranoi se Barcelona mund të mos i kishte merituar të tre pikët në ndeshjen kundër Villarrealit, por beson se duhet të kishin dalë fitimtare nga përballja e Betisit.

“Të mërkurën ka një tjetër ndeshje të rëndësishme”, shtoi Xavi.

“Ne nuk mund të lejojmë të dështojmë më (teste të mëdha), por mendoj se pjesa e dytë ishte e mirë.

“Te Barcelona luan vazhdimisht ‘finale’. Nuk më pëlqen të humbas. Nuk e meritonim. Ndonjëherë, nuk e meriton të fitosh dhe e bën, si kundër Villarrealit.

“Dhe sot ishte anasjelltas. Ne nuk mund të lejojmë [të pranojmë] gola si ai që lejuam. Ne kemi qenë [bashkë] për një kohë të shkurtër, por është turp.”/h.ll/albeu.com