Trajneri i Chelseat, Xabi Alonso, ka konfirmuar se Kendry Paez nuk do të jetë pjesë e ekipit të parë deri në afatin kalimtar të janarit, pas rikthimit të tij muajin e kaluar nga huazimi te River Plate.
None found
Vendimi është bërë i ditur para përballjes së Chelseat me Leeds United në kuadër të Carabao Cup, e cila do të zhvillohet të mërkurën mbrëma në ‘Stamford Bridge’.
Edhe pse Alonso mund t’u japë minuta futbollistëve që deri tani kanë pasur më pak mundësi për të luajtur, Paez nuk pritet të jetë në mesin e tyre. “Jo, jo. Ai nuk është pjesë e planeve. Për momentin, ai nuk është pjesë e skuadrës së ekipit të parë”, deklaroi 44-vjeçari kur u pyet për talentin ekuadorian.
Alonso e nisi aventurën në Ligën Premier me tri fitore në tri ndeshjet e para si trajner i Chelseat, ndaj Fulhamit dhe Brightonit, përpara humbjes 2-1 kundër Arsenalit në ‘Emirates Stadium’ të dielën.
Pas kësaj ndeshjeje, vëmendja e spanjollit është kthyer te gara e Carabao Cup dhe te sfida kundër Leedsit.
Chelsea e bleu Paezin nga Independiente del Valle verën e kaluar për rreth 20 milionë euro. Marrëveshja mes dy klubeve ishte arritur që në vitin 2023, kur lojtari ishte vetëm 16 vjeç, por ai duhej të priste deri në moshën 18-vjeçare për t’iu bashkuar zyrtarisht klubit londinez.
Anësori ende nuk ka luajtur asnjë ndeshje me ekipin e parë të Chelseat. Gjatë sezonit të kaluar, ai ishte i huazuar te Strasbourg, ku regjistroi 21 paraqitje në të gjitha garat.
Para përfundimit të afatit kalimtar më 1 shtator, BlueCo u përpoq ta dërgonte reprezentuesin e Ekuadorit në huazim te një tjetër klub në Angli, por marrëveshja nuk u përmbyll.
Me Paezin tashmë jashtë planeve të ekipit të parë sipas vendimit të Alonsos, mundësitë e tij për të siguruar minuta të rregullta po ngushtohen.
Megjithatë, Chelsea ende mund të gjejë një zgjidhje përmes një huazimi tjetër, pasi disa afate kalimtare nuk janë mbyllur. Meksika, Brazili dhe Greqia janë ndër destinacionet ku një lëvizje e tillë mbetet e mundur pa pritur deri në janar.
E veja e opozitarit rus Alexei Navalny, Yulia Navalnaya, ka paralajmëruar për rritjen e bashkëpunimit mes regjimeve autoritare dhe partive…
Aktorja e njohur e serialit “Modern Family”, Sofia Vergara, dhe këngëtari i grupit “Imagine Dragons”, Dan Reynolds, janë fotografuar së…
Ministria e Punëve të Brendshme (MPB) ka nënshkruar kontratë në vlerë mbi 2.1 milionë euro për furnizim me dokumente blanko…
Komandanti i KFOR-it, gjeneralmajor Roberto Vergori, kryesoi ceremoninë e dorëzimit të detyrës për postin e zëvendëskomandantit në selinë e KFOR-it.…
Kryetari i ASH-së, Arben Taravari njofton se sot ka takuar ambasadorin e BE-së, Michalis Rokas me të cilin ka biseduar…
Përparimet në analizat e ADN-së kanë ndihmuar autoritetet amerikane të lidhin vrasësin serial, Ted Bundy me vrasjen e 17-vjeçares Melissa…