Xabi Alonso ngre pritshmëritë te Chelsea: Jemi gati të luftojmë për çdo trofe

Trajneri i Chelseat, Xabi Alonso, beson se skuadra londineze ka potencialin për të synuar trofe në të gjitha garat ku do të marrë pjesë këtë sezon.

Tekniku spanjoll theksoi se ekipi ende ka hapësirë për zhvillim, edhe pse është i kënaqur me punën e kryer nga klubi gjatë merkatos së verës.

“Unë vërtet besoj në këtë skuadër. Besoj gjithashtu se skuadra mund të përmirësohet. Mendoj se kemi marrë vendime të rëndësishme dhe të mira, me ndjesinë se jemi gati. Jemi gati ta nisim Ligën Premier”.

Alonso, ish-trajner i Real Madridit, vlerësoi mënyrën se si Chelsea ka vepruar në afatin kalimtar, duke thënë se objektivat e përcaktuara në nisje të verës janë realizuar në masë të madhe.

“Deri tani, planin që kishim e kemi përmbushur mjaft mirë, me ndjesinë se kemi ndërtuar një skuadër të mirë për të garuar në të gjitha kompeticionet ku do të marrim pjesë, në Ligën Premier, FA Cup dhe Carabao Cup”.

Sipas trajnerit spanjoll, Chelsea e ka krijuar tashmë bazën për ta nisur sezonin me synime të mëdha. Megjithatë, përforcimi dhe përmirësimi i mëtejshëm i ekipit mund të vijojë edhe në ditët e fundit të merkatos.