Weah dëmtohet, “Zonja e Vjetër” e humbet për rreth një muaji

Problem muskulor në kofshën e djathtë për Timothy Weah , ai do të kthehet në dispozicion të Allegrit pas një muaji

Ndeshja kundër Veronës nuk solli vetëm aspekte pozitive për Juventusin : Allegri në fakt e humbi anësorin amerikan deri pas pushimit për shkak të një dëmtimi muskulor që e detyroi të largohej në fund të pjesës së parë të ndeshjes së fundit me Veronën. Testet që iu nënshtrua Weah treguan “një lezion të shkallës së ulët të semitendinosusit në kofshën e djathtë”. Weah do të mungojë në ndeshjet kundër Fiorentinës dhe Cagliarit , por mund të kthehet pas pushimit: Allegri shpreson ta ketë sërish në dispozicion në ndeshjen e madhe kundër Interit më 26 nëntor.

Weah ka bërë 10 paraqitje në startin e kampionatit dhe ka qenë titullar në tre ndeshjet e fundit kundër Torinos, Milanit dhe Veronës, kur u detyrua të largohej nga fusha në fund të pjesës së parë. Për Juventus kjo është një mungesë e rëndë , sepse Allegri në fakt nuk ka shumë mesfushorë të djathtë në dizpozicion: Weston McKennie është tërhequr nga ai rol më shumë se një herë/albeu.com