Vojvoda: Austria ka përvojë, por tifozët shqiptarë do të na japin forcë – flet edhe për Alabën

Mërgim Vojvoda u shpreh se Kosova është e përgatitur të tregojë vlerat e saj në përballjen me Austrinë.

Futbollisti i Udineses, në konferencën për shtyp, pranoi se Austria shihet si favorite për shkak të përvojës, por nënvizoi se “Dardanët” kanë mundësi të synojnë fitoren dhe pikët e plota.

“Gjendja është e mirë. I gjithë ekipi është në dispozicion dhe presim që të jemi gati për ndeshjen e nesërme”.

“Synimi ynë ka qenë gjithmonë kualifikimi në një turne të madh. Jemi afruar gradualisht dhe shpresoj që Liga e Kombeve të na japë një mundësi më shumë përmes play-off-it. Austria ka përvojë dhe është favorite, por edhe ne kemi shanset tona”.

Vojvoda kujtoi se Kosova i fitoi të gjitha pikët ndaj Irlandës dhe tha se mbështetja e tifozëve shqiptarë mund ta ndihmojë skuadrën.

“Me Irlandën i morëm pikët e plota. Besoj se do të ketë shumë tifozë shqiptarë, ashtu si në ndeshjet e tjera si mysafir, dhe kjo na bën shumë më të fortë”.

David Alaba, i cili mungon te Austria, ishte gjithashtu pjesë e bisedës. Vojvoda do të jetë bashkëlojtar me të dhe komentoi mungesën e ish-yllit të Real Madridit.

“David Alaba? E kemi pritur, sepse ka qenë pak i lodhur. Kam pasur mundësi ta shoh në stërvitje dhe më vjen keq që nuk mund ta shoh në kombëtare. Por do ta takoj në Udinese dhe besoj se do ta shohë ndeshjen si kapiten që është, ndërsa do të më njohë pak më mirë”.

Ndeshja do të nisë në orën 18:00.