Vinicius Junior ka shpjeguar publikisht përse nuk ishte ai që gjuajti penalltinë e Brazilit në humbjen 2-1 kundër Norvegjisë, në fazën e 1/16 së finales të Kupës së Botës.
None found
Skuadra braziliane i dha fund rrugëtimit në turne pas dopietës së Erling Haaland. Një prej episodeve që ngjalli më shumë debat në takim ishte penalltia e shpërdoruar nga Bruno Guimaraes, në momentin kur shifrat ishin ende 0-0.
Pas përfundimit të ndeshjes, shumë tifozë pyetën pse ekzekutimi nuk iu besua Vinicius Juniorit. Sulmuesi i Real Madridit bëri të qartë se kjo nuk ishte një zgjedhje personale, por një vendim i marrë nga pankina.
“Pse nuk e ekzekutova penalltinë? Sepse ishte vendim i trajnerit.”
“Unë kurrë nuk fshihem dhe nuk i shmangem përgjegjësive.”
“Marr gjithmonë përgjegjësi kur duhet, por këtë herë ishte një vendim i trajnerit dhe unë e respektova atë”, deklaroi Vinicius.
Më parë, përzgjedhësi Carlo Ancelotti kishte sqaruar se përzgjedhja ishte bërë mbi bazën e analizave statistikore dhe jo të emrit apo reputacionit të futbollistëve, duke caktuar Bruno Guimaraes për gjuajtjen e penalltisë.
Sidoqoftë, mesfushori brazilian nuk ia doli të mposhtte portierin Orjan Nyland, në një moment që pati peshë të madhe në eliminimin e Brazilit nga Kupa e Botës./
Cristiano Ronaldo është dënuar me 30 ditë pezullim dhe një gjobë prej 255 eurosh nga Federata Portugeze e Futbollit (FPF),…
Eurodeputetja holandeze Anna Strolenberg ka ngritur në Parlamentin Europian çështjen e dhunës së policisë ndaj studentëve protestues në Shqipëri, duke…
Një person ka humbur jetën pas të shtënave me armë zjarri në Ohio, në Shtetet e Bashkuara të Amerikës. [...]…
Në një javë protestash të fuqishme hyn edhe arsimi publik në Greqi me mësues, nxënës, studentë dhe prindër që kërkojnë…
Bajram Pajaziti, vëllai i heroit Zahir Pajaziti, ka ndarë një rrëfim interesant për një bisedë mes Zahirit dhe nënës së…
Bajram Pajaziti, vëllai i heroit Zahir Pajaziti, ka folur për pasionet e këtij të fundit. Ai ka treguar se Zahiri…