UEFA ka ndërmarrë masa disiplinore ndaj Danimarkës pas barazimit të tyre me rezultat 1-1 ndaj Anglisë në Euro 2024. Harry Kane e vendosi Anglinë në avantazh në “Frankfurt Arena” pas vetëm 18 minutave lojë, por danezët u kundërpërgjigjen me një gjuajtje fantastike nga Morten Hjulmand.
Ky rezultat i lë “Tre Luanët” në krye të Grupit C, me dy pikë më shumë se Danimarka dhe Serbia teksa po hyjnë në ndeshjen e tyre të fundit në fazën e grupeve ndaj Sllovenisë.
None found
Pas ndeshjes, UEFA është detyruar të ndërmarrë një aksion dhe të inicojë një dënim ndaj Federatës së Futbollit të Danimarkës.
Kjo për shkak se tifozët e Danimarkës e shfaqën një baner me fjalët “F***UEFA” për një arsye që deri më tash nuk dihet.
Për këtë gjest të tyre, UEFA e ka dënuar Danimarkën me 10,000 euro. Drejtori i Federatës së Futbollit të Danimarkës, Erik Brogger Rasmussen, i kërkoi tifozëve të mos e përsërisin më këtë gjest dhe se herën tjetër do t’i ngarkojnë atyre faturën.
“Ne do ta paguajmë faturën por gjëja më e rëndësishme për ne është se duhet t’i identifikojmë ata që e sollën banerin dhe më pas do t’ua bartim faturën atyre. Ne shpresojmë që ata se mendojnë që mund ta shfaqin një baner me atë lloj gjuhe gjatë një ndeshje të mendojnë dy herë kur të paguajnë për të”, ka thënë Rasmussen.
Ka pasur një numër të dënimeve për shkak të sjelljeve brenda dhe jashtë fushës gjatë këtij edicioni të Kampionatit Evropian.
Shqipëria ishte kombëtarja e cila ishte prekur më së shumti nga dënimet e UEFA-s, pasi dje (23 qershor) u dënua me një shumë parash për ndezjen e fishekzjarreve, pushtimin e fushës nga tifozët si dhe transmetimin e disa mesazheve nga ana e tyre.
Përveç Shqipërisë, për fjalorin që përdori pas ndeshjes me Kroacinë e kishte pësuar edhe Mirlind Daku i cili është dënuar me dy ndeshje moslojë. /Telegrafi/
Partia Demokratike ka braktisur sallën e Kuvend, teksa kryeministri Edi Rama shkoi në Foltore për fjalën e tij. Deputetët demokratë…
Abissnet SuperioreKomisioni i Ligave dhe Garave në FSHF ka përcaktuar kalendarin e plotë të kampionatit “Abissnet Superiore”, nga java e…
Milani thuhet se është gati të hyjë në bisedime me Club Brugge për Nicolo Tresoldin, duke e ditur se skuadra…
Juan Mata ka zyrtarizuar pensionimin nga futbolli në moshën 38-vjeçare, duke i dhënë fund një karriere të jashtëzakonshme që zgjati…
Me shumicë votash, Komisioni Hetimor për vrasjen e Arlinda Zekajt ka vendosur që dëgjimi i menaxheres së rastit në Qendrën…
Ka nis testimi me shkrim i kandidatëve për emërim në pozitën e gjyqtarit në Gjykatën Kushtetuese të Kosovës. Testimi po…