Tuchel: Lukaku është sulmues i lindur, do t’i kthehet golave

Romelo Lukaku nuk po kalon një formë të mirë te skuadra e Chelsea, teksa shpesh herë në këto ditët e fundit ka qenë në qendër të kritikave për shkak të paraqitjeve të tij.

Trajneri i Chelseat, Thomas Tuchel është i bindur se Lukaku do të rigjejë formën e tij më të mirë dhe do të kthehet tek shënimi i golave.

Tuchel këmbëngul se Lukaku do të arrijë të bëjë mirë, sepse belgu është një sulmues i lindur.

Më kujtohet kur kishte shumë kritikë për Harry Kane në fillim të sezonit. Por në fund, ai është ai që është. Ai është një golashënues. Mendoj se nëse je golashënues në këtë nivel, duhet të kesh shënuar gola që në moshën gjashtë vjeçare. Ti e ke atë dhe ai nuk do ta humbasë kurrë dhe është e njëjta gjë për Romelun. Këta djem, në fund të sezonit, do të kenë një sasi të caktuar golash. Pse? Sepse ata kanë vërtetuar se kjo është ajo që ata bëjnë. Është thjesht ajo që ata bëjnë”, përfundoi trajneri i Bluve për “Sky Sport”. /h.ll/albeu.com